Ribadeo, 15 de marzo de 2024. Acisa Ribadeo presenta un ano mais a súa bolsa de emprego. Trátase dun servizo que ofrece ás súas asociadas e asociados de cara á tempada de Semana Santa e de verán.
A presidenta de Asociación de Comerciantes, Industriais, Servizos e Autónomos, Carmen Cruzado, explicou que “dende Acisa Ribadeo somos plenamente conscientes de que cada vez é mais complicado encontrar persoal cualificado para dar cobertura ás múltiples demandas de emprego tanto de hostalaría, de comercio como de servizos. As causas poden ser moitas, pero o que sabemos obxectivamente é que os nosos negocios necesitan persoal de cara a esta Semana Santa, pero especialmente para o verán e moitos deles están xa na busca activa de camareiros, cociñeiras, axudantes de cociña, dependentas, recepcionistas, gobernantas ou limpadoras, entre outras e outros”.
Pola súa banda, o xerente de Acisa, Jesús Pérez, indicou que “por sorte a tempada turística cada vez comeza antes, estamos ás portas da Semana Santa, coa que contamos dar o pistoletazo de saída á nova campaña turística, e na que esperamos unha gran afluencia de visitantes. En pouco mais dun mes temos a ponte do 1 de maio e as Letras Galegas, e a partir de aí enlazamos todas as fins de semana con diversos torneos e eventos, que atraerán a miles de persoas a Ribadeo. Por iso urxe ir cubrindo estas vacantes para que poidamos ofrecer dende os nosos negocios o mellor servizo posible. Esta bolsa de emprego cremos que pode ser un servizo moi importante e útil para as asociadas e asociados de Acisa Ribadeo, tanto para as nosas empresas como para as persoas que se atopan na busca activa de emprego”.
Pérez Prada dixo que “deste xeito Acisa pon a disposición un ano mais o seu programa de emprego, cunha canle bidireccional. En primeiro lugar, recordámoslles aos nosos socios e socias que poden enviarnos as ofertas de emprego si necesitan cubrir vacantes e nos publicámolas nas nosas redes sociais e enviámoslles os currículos que teñamos na nosa base de datos. E en segundo lugar, a novidade deste ano é que toda aquela persoa que estea buscando traballo en calquera posto relacionado coas empresas asociadas a Acisa Ribadeo pode enviarnos o seu currículo ao seguinte correo electrónico info@acisaribadeo.es indicando qué empregos son do seu interese e nos terémolos na nosa base de datos e así cando chegue unha oferta laboral, poderemos enviar todos os currículos susceptibles de cubrir ese posto de traballo ás empresas asociadas a Acisa Ribadeo”.
Cruzado Iglesias engadiu que “este servizo ven dando un bo resultado sempre. A bolsa de emprego de Acisa Ribadeo é moi útil. Así nolo trasladan tanto empresarios como potenciais traballadores ao longo do ano. Sabemos que nacen moitos contratos tanto no comercio, na hostalería como nos servizos asociados. En Ribadeo hai traballo en moitos sectores: en bares, en restaurantes, en hoteis, en comercios, en empresas de servizos e tamén en moitas industrias. De aí que animemos aos demandantes de emprego e ás empresas asociadas a sumarse á bolsa de emprego de Acisa”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
