Ribadeo, 3 de marzo, 2024. Desde o BNG de Ribadeo mostran o seu agradecemento polas “rectificacións que levou a cabo o goberno do PP nos últimos días despois das preguntas e denuncias feitas desde a oposición”.
“En primeiro lugar celebramos a rectificación na colocación das bandeiras na sede consistorial, pero lamentamos o gasto innecesario na colocación dun mamotreto que xa naceu inútil pola rectificación do alcalde e o dano patrimonial ao colocarse sobre un edificio histórico”.
En palabras de Pablo Vizoso, “Ademáis do dano causado ao edificio e ás arcas públicas, preocúpanos moito o pouco respecto que o alcalde mostra aos procesos administrativos e á lei ao levar a cabo esta actuación sen contar cos permisos e autorizacións necesarios. A comisión de seguimento do PEPRICH no que se aprobou o traslado das bandeiras celebrouse o día 7 de febreiro, oito días despois do pleno ordinario no que preguntamos sobre este tema ao estar xa colocado o mamotreto”.
“En segundo lugar, queremos tamén celebrar a actuación sobre unha fuga de auga no barrio de Santa Cruz que se levaba producindo desde Outubro e que foi reparada polo concello ás poucas horas de nós denuncialo a raíz do aviso dos veciños que non sabían a onde acudir polo abandono do PP. Unha vez máis lamentamos que sexa necesario esperar tantos meses para un problema que, como demostraron os feitos, só necesitaba atención e vontade de solucionarseç2.
“É certo que a oposición debe cumplir este labor de denuncia e esixencia de solucionar os problemas e os erros que poida ter un goberno. Pero o PP debría dar mostras de maior preparación e vontade de facer ben as cousas. En todo caso, estes erros significan dano patrimonial, malgasto e abandono dos veciños. Por iso desde o BNG de Ribadeo seguiremos atentos, dispostos e firmes para correxir e denunciar o mal goberno do Partido Popular”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
