A inauguración será este mércores 27 de marzo ás 18:00 na Casa da Cultura, e a mostra estará dispoñible alí para a súa visita ata o día 26 de abril
Burela, 25 de marzo de 2024. O Concello de Burela inaugura, na Casa da Cultura, a exposición Kuidadu na diaspora/Coidados na diáspora. O acto será este mércores, día 27 de marzo, ás 18:00.
Trátase dunha autoetnografía fotográfica das mulleres caboverdianas en España, e estará dispoñible para a súa visita ata o día 26 de abril, no horario habitual das exposicións na Casa da Cultura.
Sandra Fernández, concelleira de Igualdade, destaca a importancia desta exposición, na que se retrata “o papel da muller caboverdiana na nosa comunidade”. “Convidamos a toda a veciñanza a que veñan ver esta etnografía fotográfica”, engade.
Por outra banda, Mario Pillado, concelleiro de Inmigración e Cooperación, sinala que para o Concello “é moi importante ter acceso a este contido e mostralo, posto que nos achega máis a todas como comunidade”.
“É impensable coñecer e entender Burela na actualidade sen coñecer a contribución da muller caboverdiana na nosa vila, xa que o papel desta comunidade é parte dos nosos sinais de identidade” afirma Pillado.
A mostra presenta os resultados dun traballo de investigación e creación artística financiado polo Instituto das Mulleres do Ministerio de Igualdade e dirixido por Keina Espiñeira, profesora de Socioloxía na Universidade da Coruña. Nel participaron investigadoras da tres Universidades do Sistema Universitario de Galicia, baixo o nome de Mulleres á Fronte.
A exposición reúne unha mostra dos álbums familiares e as fotografías tomadas por mulleres caboverdianas e descendentes residentes en dúas das comunidades de maior tradición migratoria desde o arquipélago: Burela, por unha banda, e mais Bembibre, en Castela e León.
As fotografías foron reunidas e postas en común mediante metodoloxías visuais que permitiron poñer en valor as narrativas das mulleres sobre a súa propia experiencia migratoria.
A través dunha serie de obradoiros de fotografía, as investigadoras que están detrás do proxecto embarcáronse nunha viaxe artística que culmina agora coa exposición colectiva e coa próxima creación dun arquivo dixital de imaxes das mulleres na diáspora.
Como parte do traballo de investigación que deu lugar á exposición convidouse ás mulleres participantes a capturar escenas da súa vida cotiá a través da fotografía e a explorar mediante a cámara as relacións entre os coidados e o traballo.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
