Os populares tamén teñen trasladado ao último pleno as queixas de empresas locais porque “o goberno local nin sequera lles solicita presuposto para contratos menores”, senón que “prefire firmar con empresas doutras localidades ou provincias”
Burela, 6 de marzo de 2024. Os concelleiros do PP de Burela cren que “a señora López Moreno parece estar máis preocupadas pola súa proxección persoal que por solucionar os problemas do día a día da veciñanza de Burela”. Así o entenden tras votar o goberno local de PSOE e BNG en contra de que o Concello leve a cabo a limpeza das fontes municipais e priorizar a contratación de empresas locais nos casos nos que é posible, é dicir, cando se trata de contratos menores.
Os populares consideran “inconcibible” que o goberno local se negue a aceptar as peticións dos propios veciños e veciñas e que incluso amose publicamente o seu rexeitamento a cumprir cun asunto que é da súa competencia como é a limpeza, saneamento e salubridade das fontes públicas municipais”. Ante a falta de actuacións por parte do goberno bipartito son os propios veciños os que están a facer estas tarefas para poder facer uso destas fontes públicas”.
As dúas iniciativas foron ao pleno da man do Grupo Municipal Popular que non entende que “PSOE e BNG rexeiten ambas actuacións que non supoñen grandes esforzos por parte do goberno local, nin a nivel económico nin de xestión”, puntualizan. Deste xeito, os concelleiros do PP cren que “queda demostrada a súa incapacidade para abordar os asuntos do día a día da actividade municipal”.
Os populares tamén pedían no último pleno que “o Concello priorizase a contratación de empresas locais cando é posible que é o caso dos contratos menores”. Así o trasladaron tras recibir queixas de empresas de Burela que, “tendo a cualificación axeitada para determinados traballos, nin sequera recibiron unha chamada para solicitarlles presuposto e preferiron contratar empresas doutras localidades e incluso doutras provincias”. Para os populares “con este proceder non se contribúe a facer máis forte o tecido económico e empresarial de Burela”.
PROMESAS SEN CUMPRIR
Os populares indican tamén que “a pesar dos posados e anuncios que fai a alcaldesa socialista na prensa, a realidade é que a ausencia de determinadas decisións que deberían ser urxentes e non acaba de tomar poñen de manifesto a súa incapacidade para xestionar o Concello”.
Así o apuntan ante o incumprimento dalgunhas promesas electorais como a solución ao mercado semanal dos venres ou a mellora prometida nas instalacións deportivas da Marosa.
Os populares lembran que “os comerciantes ambulantes levan anos reclamando unha solución para o mercado semanal dos venres que supuxo un descenso de vendas tras ser trasladado a Torrentes”. Pero, “a pesar de que o goberno local se comprometera a estudar a súa celebración no centro da vila de forma que contribúa á dinamización social e económica da vila, máis de sete meses despois de constituírse este novo mandato, a situación segue sen solucionar”.
“O arranxo da grada do campo municipal e do campo de fútbol de herba artificial da Marosa tamén é outra das promesas ás que o goberno bipartito aínda non deu cumprimento”, unhas actuacións moi demandadas tendo en conta o importante número de usuarios destas instalacións deportivas.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
