Os populares denuncian unha diferenciación dun 12% máis no salario por unidade de xornada laboral que van percibir os concelleiros que as concelleiras e pregúntanse que labores dos concelleiros do goberno quere premiar a alcaldesa co reparto do seu salario; porque no caso da concellería de Economía e Facenda “nin presentou orzamentos nin remitiu a documentación requirida polo Consello de Contas”
Burela, 14 de marzo de 2024. Os concelleiros do PP de Burela advirten do “desastre na xestión económica do Concello por parte do bipartito”; xa que “están a recorrer de forma habitual a un procedemento que a lei recolle con carácter extraordinario e que, polo tanto, podería constituír un presunto caso da súa vulneración”.
O equipo de goberno integrado por PSOE e BNG deulle adiante no pleno extraordinario deste xoves a un expediente cheo de irregularidades e anomalías co que se aproba un recoñecemento extraxudicial de crédito de 340.000 euros onde se inclúen factura do verán do 2023; obviando as advertencias da viceportavoz do Partido Popular, Encarnación Bernal.
“O goberno de Burela está a empregar esta fórmula que debería ser extraordinaria para poder traballar, debido á súa incapacidade para elaborar uns orzamentos municipais. Actualmente o Concello funciona cuns orzamentos prorrogados do ano 2022 e o equipo de goberno municipal non ten traza de presentar proximamente ningún proxecto de orzamento novo”.
O equipo de goberno de Burela tamén aprobou hoxe o reparto do salario da alcaldesa, que pasa a cobrar dedicación exclusiva da Deputación de Lugo, entre concelleiros do seu goberno. Á vista de que o argumento empregado pola rexedora socialista para defender esta decisión foi premiar a súa labor, os populares pregúntanse se estas labores ás que fai referencia son por exemplo que a concellería de Economía e Facenda non teña aprobado un presuposto no que vai de mandato ou que non teña remitido aínda ao Consello de Contas de Galicia a documentación requirida ao Concello por unhas anomalías detectadas nos anos 2019 e 2020.
Dende o PP local tamén condenan “a diferenciación no salario que percibirán as concelleiras con respecto aos seus homólogos homes. Especialmente cando a alcaldesa fai pouco abandeiraba a loita pola igualdade entre homes e mulleres, pero agora premia cun 12% máis de salario por unidade de xornada laboral aos seus concelleiros que ás súas concelleiras. Parece que para o goberno local o labor das súas concelleiras é menos importante ou debe ter menor retribución que a dos concelleiros homes”.
PLAN ANTIFRAUDE
O Grupo Municipal Popular xa advertira en plenos anteriores que o Concello estaba incumprindo a lei en materia antifraude porque “debería terse aprobado un plan antifraude no Concello fai un ano”. A alcaldesa trouxo a este pleno extraordinario “un borrador que é un brinde ao sol, unha mera declaración de intencións, porque non recolle os protocolos axeitados e ben definidos para que calquera funcionario, funcionaria ou persoal do Concello poida, con total seguridade e garantía legal, denunciar calquera tipo de irregularidade contable”.
É que o documento “só considera fraude as irregularidades á hora de usar os fondos da Unión Europea, pero se os fondos teñen outra procedencia non o consideran fraude”, advirten.
E, ademais, sinalan que “a propia auditoría ou autoavaluación que fixo a comisión antifraude creada pola alcaldesa, outorga ao Concello 18 puntos de 64 posibles. É dicir, o Concello de Burela non superou a súa propia autoavaliación”.
FORMAS REPROBABLES
Dende o PP local condenan as malas formas dos grupos políticos que conforman o goberno local co portavoz popular porque “demostran a falta de respecto polo labor dos cargos electos polos veciños e veciñas”. De feito, “no último pleno o grupo socialista interrompeuno en varias ocasións para evitar que falara do que considerase oportuno durante a súa quenda de intervención. E o señor Pillado directamente xa o insultou”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
