Os populares critican que “na última anualidade a asociación de empresarios recibira 2.000 euros menos de axuda do Concello” e lembran ao goberno local que “quedan deberes pendentes” como “a sinatura dun convenio de colaboración” e a ampliación do solo industrial
Vilalba, 20 de marzo de 2024. O Grupo Municipal Popular de Vilalba subliña a importancia de que o Concello colabore e estea en constante contacto cos distintos colectivos. Trala reunión do goberno local e dos representantes dos distintos partidos co tecido empresarial, os populares agradecen “o cambio de actitude do goberno local que levaba cinco anos negándose a reunirse coa asociación de empresarios Sete Pontes” e agardan que “polo ben do polígono industrial e do tecido empresarial, leven a cabo as melloras e xestións anunciadas”.
Os populares, xa teñen manifestado que apoiarán calquera iniciativa que supoña unha mellora para o desenvolvemento empresarial, reivindican que “levamos tempo pedindo a limpeza e acondicionamento do polígono industrial, a mellora da sinalización horizontal e vertical e da iluminación; ademais da adhesión de Vilalba ao programa Doing Business”.
Sobre esta última cuestión, xa deixara iniciadas as xestións o goberno do Partido Popular para converter a Vilalba en Concello Emprendedor que contempla distintos incentivos para a implantación de empresas e confire maior puntuación á hora de obter subvencións doutras administracións”. Foi tamén o Partido Popular o que levou o asunto a pleno en varias ocasións máis sendo aprobado por unanimidade.
Así, “o desinterese do goberno local levou á perda de subvencións para mellorar o noso pulmón económico durante os últimos cinco anos porque Vilalba non é Concello Emprendedor”, sinalan.
DEBERES PENDENTES
Os concelleiros do PP lamentan que “na última anualidade o goberno local reduciu 2.000 euros a subvención dirixida á asociación de empresarios” e agardan que “na medida do posible se incremente o apoio ao colectivo que sempre traballou polo tecido empresarial, comercial e hostaleiro de Vilalba”.
Nesa liña, subliñan que “quedan moitas cousas por facer”. Como, por exemplo, a sinatura dun convenio de colaboración coa asociación para o desenvolvemento de distintas campañas e iniciativas de dinamización do tecido empresarial.
E tamén avanzar nos trámites para a ampliación do solo industrial que permita o desenvolvemento do municipio, a creación de empresas e empregos para favorecer o asentamento da poboación.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
