Mondoñedo-Ferrol, venres 22 de marzo de 2024
O pasado sábado tivo lugar no teatro Jofre de Ferrol o pregón da Semana Santa. Na miña breve intervención ante o auditorio convidaba aos presentes a responder a unha pregunta que hoxe vos formulo en forma de reflexión: a Semana Santa, é un espectáculo ou é máis ben un acontecemento?
No proceso de secularización que nos envolve, moitos se achegan aos actos de Semana Santa coa única mirada do espectador que está desexoso de sensacións e de experiencias novas. É a actitude do que asiste a un espectáculo novo, que o compara con outros nos que participou ou co xa experimentado nos mesmos lugares en anos anteriores. A verdade é que, durante estes días, as nosas cidades, especialmente Ferrol, Viveiro e Mondoñedo, pero tamén noutros moitos lugares, énchense de procesións que están repletas de sensacións capaces de espertar e alegrar os nosos sentidos. Así o fai a vista, cando contempla as fermosas imaxes que desfilan ou os tronos que son escoltados por confrades dispostos harmoniosamente. Tamén o olfacto ábrese aos cheiros que esparcen xenerosamente os incensarios ou as flores que decoran as imaxes. Non menos goza o oído ao acoller con gusto os sons das bandas e as súas fermosas e coidadas melodías, os sons das carracas, as campás e outros elementos…
Certamente estes días están repletos de tradicións que constitúen un fermoso espectáculo que enche de vida e cor as nosas rúas. Estamos orgullosos de que a nosa fe se fixera cultura, mimetizándose coa alma dun pobo, expresándose en formas que superan a razón para abrirse á linguaxe non fácil dos sentimentos e as emocións.
Pero, sen dúbida, a Semana Santa é moito máis que un espectáculo. O que só descubra formas e beleza, tradicións e ritos, perdeuse a esencia que se quere comunicar. A Semana Santa é, ante todo, un acontecemento. O acontecemento fundante da fe cristiá, a razón que dá sentido ao camiñar dos cristiáns.
Cando falo de acontecemento quero expresar a experiencia que vive aquel que queda transformado por un suceso que acontece e sorprende de tal maneira que xa nada volve ser o mesmo. Iso é o que significa a morte e resurrección de Xesús que durante estes días dispoñémonos a actualizar. Trátase dun auténtico manancial onde bebe constantemente a experiencia cristiá. É o tesouro da Igrexa, o que a fai existir e o que a empuxa á evanxelización. Toda a Igrexa e todo na Igrexa irradia este acontecemento: o amor dun Deus que se entrega, que se dá e que vive connosco eternamente.
A Semana Santa é, por tanto, participar, admirar, acoller, agradecer, encomiar, comprometerse ante o acontecemento que cambia a vida das persoas que se deixan sorprender por el. É o
acontecemento que actualiza, neste hoxe e aquí da historia, o amor entregado de Deus pola humanidade e por cada un de nós. Un acontecemento que non nos pode deixar indiferentes senón que se ofrece como boa noticia para este mundo tan necesitado de amor sen medida. Así acontece na liturxia das igrexas durante estes días e prolóngase nas rúas como eco e provocación para quen queira escoitalo.
A Semana Santa é un acontecemento: a paixón, morte e resurrección de Xesús que procrea vida e esperanza para a salvación do mundo. Grazas, queridos confrades, por ser instrumentos preciosos para comunicar e expandir esta boa noticia que oxalá vos transforme tamén a vós. Que así a vivamos e así a compartamos.
O voso irmán e amigo.
Fernando García Cadiñanos
Bispo de Mondoñedo-Ferrol
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
