O conselleiro do Mar en funcións e o presidente de Portos de Galicia visitaron o peirao
Ortigueira, 2 de abril de 2024. A Consellería do Mar, a través de Portos de Galicia, investirá 115.000 euros en obras de mellora dos pavimentos do peirao da localidade coruñesa de Ortigueira. Así o anunciou o titular do departamento autonómico en funcións, Alfonso Villares, no transcurso dunha visita ao peirao esta mañá.
Alfonso Villares, que estivo acompañado polo presidente de Portos de Galicia, José Antonio Álvarez, explicou que este investimento responde ás necesidades prioritarias detectadas nunha análise global realizada polo ente público para coñecer en detalle o estado dos firmes no conxunto dos 122 portos autonómicos. Deste traballo derivouse unha planificación de actuación a curto, medio e longo prazo na adecuación dos pavimentos para unha maior seguridade viaria.
O conselleiro en funcións defendeu a necesidade de que os profesionais do mar de Galicia conten cunhas instalacións portuarias que contribúan a incrementar a súa produtividade e permitan, ao mesmo tempo, mellorar as súas condicións de traballo. Outros dous peiraos da zona norte da provincia da Coruña onde se realizarán este tipo de obras serán os de Cariño e Cedeira.
No caso concreto de Ortigueira actuarase en dúas zonas do porto. Así, renovarase o firme na explanada situada diante da dársena deportiva así como no viario que discorre pola parte posterior dos xardíns da zona portuaria. As obras sairán a licitación nun contrato global para toda Galicia ao longo do primeiro semestre de 2024 e executaranse neste ano.
Varandas no paseo do Malecón
Durante a súa visita a Ortigueira, o conselleiro do Mar visitou tamén o paseo do Malecón no que Portos de Galicia vén de instalar varandas para maior seguridade peonil. Alfonso Villares explicou que os traballos consistiron na instalación de 120 metros lineais de varanda na contorna dos departamentos, unha zona recentemente urbanizada polo ente público cun investimento de 285.000 euros. A dotación das varandas realizouse durante o mes de xaneiro e Portos de Galicia investiu nesta actuación 30.000 euros.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
