O titular de Mar pediu claridade ao Goberno central sobre a tramitación da zona catastrófica e as axudas aos profesionais afectados pola alta mortaldade de bivalvos causada polos extraordinarias precipitacións no outono
Barcelona, 24 de abril de 2024. O conselleiro do Mar, Alfonso Villares, no marco da celebración da feira internacional Seafood Expo Global en Barcelona, mantivo un encontro coa secretaria xeral de Pesca do Ministerio de Agricultura, Pesca e Alimentación, Isabel Artime, e a directora xeral de Ordenación Pesqueira e Acuicultura, Aurora de Blas na que abordou as principais demandas do sector pesqueiro galego pendentes de resposta por parte do Estado. O obxectivo foi coñecer de primeira man o nivel de tramitación que se está dando ás necesidades da cadea mar-industria así como insistir naquelas máis urxentes, cruciais para un sector estratéxico e prioritario para Galicia.
O titular de Mar pediu ás representantes do Goberno central claridade na tramitación da solicitude de declaración de zona catastrófica para os bancos marisqueiros afectados polos extraordinarias precipitacións de outono que causaron unha alta mortaldade nos bivalvos. Nesa liña indicou que se ben o Goberno galego puxo en marcha axudas extraordinarias para os profesionais en cese de actividade, o Executivo estatal segue sen materializar medidas de apoio para o sector marisqueiro como a exención das cotas á Seguridade Social ou achegas económicas que permitan paliar a merma de ingresos destes traballadores.
O responsable autonómico está seguindo con atención o procedemento de tramitación do Perte para a cadea-mar industria, aprobado recentemente despois de máis de dous anos de espera, dotado con só 40 millóns de euros, moi lonxe dos 400 millóns que pedía o sector. O conselleiro agarda poder abordar este asunto en vindeiros encontros xa que se trata dunha actividade económica estratéxica e prioritaria para Galicia que factura anualmente 9.000 millóns de euros polo que resulta esencial reforzar estas axudas con novas liñas acompañadas de partidas orzamentarias á altura do peso na economía da industria pesqueira.
Encontros bilaterais
O titular de Mar desenvolveu unha intensa axenda de contactos con encontros de traballo coa secretaria do Gabinete de Asuntos Rurais e Reforma Agraria do Goberno de Escocia, Mairi Gougeon e cunha delegación de Países Baixos encabezada polo conselleiro de Agricultura, Natureza e Calidade Alimentaria para España e Portugal da embaixada deste países en España, Machiel Kommers. En ambas reunións se estudaron posibles vías de colaboración entre as diferentes administracións no ámbito pesqueiro así como tecer alianzas para influír nas políticas pesqueiras comunitarias da nova Comisión Europea que saia das eleccións europeas do mes de xuño.
Gañou Galicia
Alfonso Villares manifestou desde a cidade condal a súa satisfacción pola sentenza do Tribunal Constitucional que avala a lei do Litoral de Galicia á vez que resaltou a importancia desta norma para o conxunto da cadea mar-industria xa que proporciona a necesaria seguridade xurídica para o desenvolvemento da súa actividade na costa. “Gañou Galicia fronte un recurso que ía encontra do noso sector pesqueiro e que, como quedou de manifesto, tiña moito de político e nada de xurídico” declarou, á vez que resaltou o bo facer de todos axentes implicados na elaboración desta lei que queda afianzada coa resolución do Alto Tribunal.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
