Os populares reivindican “un reparto igualitario” e por iso condenan que “o goberno provincial reparta nun trimestre cuns poucos Concellos afíns practicamente a mesma cantidade que o presidente prometeu subir ao Plan Deputación para todos ao longo dos catro anos de mandato”
Luns, 8 de abril de 2024. “Tomé e o goberno de PSOE e BNG deixaron claro, unha vez máis, neste primeiro trimestre do ano 2024 que non gobernan para todos os concellos da provincia nin para tódolos lucenses”. Así o afirma o portavoz do Grupo Provincial Popular, Antonio Ameijide, tras analizar os convenios que o presidente da Deputación deu a dedo no primeiro trimestre do ano -aprobados en xunta de goberno ou vía decreto- a Concellos gobernados por PSOE e BNG e que suman preto de 900.000 euros (865.814,72 euros).
O goberno provincial aprobou en xunta de goberno no primeiro trimestre do 2024 dous convenios con Concellos gobernados polo PSOE (Pol e Xermade) e un polo BNG (A Pobra do Brollón) que suman preto de 245.000 euros (244.920,25€). E o presidente autorizou, vía decreto, convenios con tres gobernados polo PSOE (A Fonsagrada, Ourol e Monforte) e un polo BNG (Samos) que suman máis de 620.000 euros (620.894,47€).
Ameijide subliña que “PSOE e BNG continúan a empregar a Deputación de Lugo como a súa chequeira particular”. De feito, incide en que “este goberno segue instalado no seu municipalismo de amiguetes, marxinando a máis da metade dos Concellos da provincia de Lugo soamente porque os seus veciños decidiron que a mellor opción para dirixir o seu municipio era o Partido Popular”.
SECTARISMO E INSOLIDARIEDADE
“O sectarismo e a insolidariedade non son nada novo para este goberno provincial que parece esquecer que unha das principais funcións da Deputación é a cooperación cos Concellos, especialmente cos máis pequenos”, subliña o voceiro do Grupo Popular na Deputación de Lugo.
De feito, “PSOE e BNG seguen a liña do ano 2023 cando destinaron case 15M€ (14,7M€) en 93 convenios -aprobados en xunta de goberno- que tiveron como beneficiarios, practicamente en exclusiva, a Concellos gobernados por PSOE e BNG”. E, ademais, “co Plan Deputación -antes denominado Plan Único- decidiron beneficiar aos 5 municipios máis grandes con 50.000 euros máis para cada un; mentres conxelaron ou reduciron as achegas aos restantes 62”, explica o popular.
Ameijide engade que “se dá a casualidade de que, deses 5, 4 están gobernados polo PSOE e outro por un ex socialista. Pero, ademais, un deles é o Concello no que Tomé é alcalde e para o que vén de autoasinar un decreto polo que autoriza un convenio co Concello de Monforte para achegar outros 600.000 euros”. É dicir, dirixe ao seu Concello o 69% dos fondos outorgados a dedo neste trimestre entre Concellos da provincia afíns a Tomé”.
“E por se fora pouco, a cantidade que reparte a dedo o presidente cuns poucos Concellos afíns nun só trimestre é practicamente a mesma cantidade (1M€) que anunciou que subiría durante os catro anos de mandato o Plan Deputación dirixido a tódolos Concellos”, engade o popular.
REPARTO IGUALITARIO
“Fronte á política sectaria do goberno provincial que parece que se esquece que unha das funcións principais da Deputación é a de cooperar cos Concellos, especialmente cos máis pequenos”, os populares reivindican “un reparto igualitario entre todos os concellos” e por iso teñen reclamado en varias ocasións aumentar o Plan Deputación para tódolos Concellos nun 30% sufragado cos cartos que o presidente reparte a dedo entre os gobernados polos seus afíns. Este si sería un reparto xusto”, conclúe.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
