Levaranse a cabo actuacións en 10kms de vías municipais que chegarán a todas as parroquias e suman máis de 430.000 euros de investimento
Barreiros, 3 de abril de 2024. O Concello de Barreiros dá inicio aos traballos de mellora na rede viaria municipal para este 2024. Segundo a planificación elaborada polo goberno municipal, investirase un total de 433.139,71 euros en arranxar preto de 10 quilómetros de vías municipais; das que un terzo das mesmas serán tratadas con aglomerado en quente.
“Trátanse de actuacións planificadas para ir mallando os distintos núcleos de poboación e as estradas de comunicación entre eles, escollendo os distintos tratamentos en función das características da vía e do uso da mesma”, explica a alcaldesa, Ana Ermida.
As actuación enmárcanse en tres plans diferentes, polo que as execucións dos mesmos non serán no mesmo momento. “Así agora mesmo xa se comezaron os traballos de preparación dos viais correspondentes ao Plan de Rehabilitación de camiños de zonas de Concentración, que comprenden camiños en Benquerencia, Vilamartín Grande e San Xusto”, informou Antonio Veiga, concelleiro de obras.
As obras relativas ao Plan Marco de AGADER e ao Plan Único da Deputación están iniciando os procesos administrativos de contratación, polo que a execución das mesmas estenderase durante o ano.
Segundo explican desde o goberno local, “unha vez finalizadas estas obras, durante o 2024, terase actuado nun total de 24 viarios municipais nos que, ademais de mellorar a capa de rodadura, nalgúns casos levarán traballos complementarios como gabias, cunetas formigonadas e sumidoiros. En todos eles contémplase tamén a limpeza de cunetas para facilitar a circulación das augas de escorrentía e evitar que deterioren o pavimento”.
Os viais sobre os que se realizarán actuacións son os seguintes:
ACCESOS A PICOTA (BENQUERENCIA)
ACCESOS AS BRAÑAS (BENQUERENCIA)
AS CAMBAS (VILAMARTÍN GRANDE)
LU-133 – LADRIDO (SAN XUSTO)
ACCESO AOS DEPÓSITOS (VILAMARTÍN GRANDE)
ACCESO A NOVÁS (SAN XUSTO)
ACCESO CALZADA-IGREXA (SAN XUSTO)
ACCESO CARBALLO BLANCO-MASMA (CELEIRO)
ACCESO ESCOLAS CELEIRO DE MARIÑAOS (CELEIRO)
ACCESO A O CABO – (CABARCOS)
ACCESO EN O COUTO – (CABARCOS)
ACCESO EN O COUTO-2 – (CABARCOS)
ACCESO A PEDREIRA – (CABARCOS)
ACCESO VAL DO CAÍNZO-IBIA – (SAN XUSTO)
ACCESO VAL DO CAÍNZO – (SAN XUSTO)
ACCESO A PUMARÍN – (SAN MIGUEL)
ACCESO A CASALDEITE – (SAN MIGUEL)
ACCESO OS PEDREGÁS – (BENQUERENCIA)
ACCESO A CARBALLO BLANCO-2 – (CELEIRO)
DRENAXE ACCESO REINANTE – (REINANTE)
ACCESO TALLER- CABANA DA VELLA – (VILAMARTÍN PEQUENO)
ACCESO A REGUEIRA – (SAN XUSTO)
ACCESO A ALDEA – (SAN XUSTO)
ACCESO EN VILAR – (SAN COSME)
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
