A Organización de Produtores Pesqueiros de Burela presenta o seu primeiro Plan Director de Aliñación cos Obxectivos de Desenvolvemento Sostible (ODS) das Nacións Unidas, un fito significativo no seu compromiso coa sustentabilidade e a responsabilidade social corporativa
Burela, 5 de abril, 2024. O Plan Director de ODS da OPP Burela é un precedente no sector pesqueiro ao ser o primeiro do seu tipo en ser implementado por unha organización de produtores pesqueiros. É un enfoque innovador que reflicte o compromiso da OPP Burela coa mellora continua na xestión sostible dos recursos mariños.
Este Plan abrangue varios traballos de análises: un externo para identificar casos de éxito dentro do sector pesqueiro a nivel global; e outro interno, máis detallado, sobre as diferentes iniciativas da OPP, que se agrupan en 24 proxectos. Para cada un dos 24 proxectos elabórase unha ficha individual, que se contrasta cos 17 ODS para os efectos de ver a súa implicación e aliñamento. O resultado final é de impacto en 15 dos 17 ODS, con aliñamento alto en 11, medio en 2 e menor noutros 2. A parte final do Plan pretende ser unha folla de ruta para o futuro, onde se establecen 25 indicadores para a dimensión económica, social, ambiental, de transparencia e participación, e de integración dos ODS.
Este proxecto innovador foi desenvolto en colaboración coa empresa IMBATIA, que, segundo o seu responsable, Julio Sánchez, “foi unha análise de alto valor que permitiu á OPP Burela comprender mellor a execución dos seus proxectos e o seu impacto nos Obxectivos de Desenvolvemento Sostible das Nacións Unidas (ODS). A través dun exhaustivo proceso de avaliación e análise, a OPP-7 de Burela foi pioneira en examinar como as súas actividades pesqueiras alíñanse cos ODS, contribuíndo así á promoción de prácticas sostibles e ao avance cara a un futuro máis equitativo e próspero”.
Sergio López, xerente da OPP Burela, considera que “esta análise brindounos unha comprensión máis profunda de como as nosas accións xa están aliñadas cos Obxectivos de Desenvolvemento Sostible das Nacións Unidas e deberíanos axudar a poñer en valor todo este esforzo no futuro”.
Segundo Julio Sánchez “espérase que este proxecto sirva como modelo para outras organizacións do sector pesqueiro que buscan aliñar as súas actividades cos ODS e promover prácticas sostibles nas súas operacións”.
Con este traballo a OPP Burela reafírmase no seu compromiso coa sustentabilidade e o desenvolvemento responsable e espera seguir liderando iniciativas innovadoras que contribúan ao logro dos Obxectivos de Desenvolvemento Sostible.
Esta acción foi elaborada dentro do plan de produción e comercialización de OPP Burela de 2023 dentro dos obxectivos de contribuír á rastrexabilidade dos produtos da pesca e o acceso dos consumidores a unha información clara e completa, e conta con axudas da Xunta de Galicia e o Fondo Europeo Marítimo, de Pesca e de Acuicultura (FEMPA).
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
