Destaca que diminuír ou eliminar este imposto revertiría tanto no aumento do consumo, ao ser considerado como alimento de primeira necesidade, como na xeración de emprego
Vilalba, 29 de maio de 2024. O conselleiro do Mar, Alfonso Villares, pide ao Goberno central que rectifique e abandone a negativa de non rebaixar o IVE aos produtos do mar. Así o trasladou aos dirixentes do grupo de peixerías Armadores del Norte, en Vilalba, pois, esta decisión unilateral do Executivo estatal, prexudica notablemente ao sector marítimo-pesqueiro e ás súas industrias transformadoras.
Deste xeito, o titular de Mar volve alzar a voz para que o ministerio de Agricultura, Pesca e Alimentación atenda a demanda do sector que revertería nun aumento do consumo, ao ser considerado alimento de primeira necesidade, tanto pola súa fundamental aportación á saúde como polo impacto positivo que tería na cesta da compra.
Alfonso Villares reiterou, de novo, o seu compromiso de seguir apoiando á cadea mar-industria galega, insistindo nas campañas de promoción para, conxuntamente co sector, conseguir que se consuman máis peixes e mariscos. E é que a exclusión destes alimentos provoca que se reduza o seu consumo, como evidencian xa varios estudos presentados da man das universidades galegas, e que se resintan os produtores, que configuran un piar básico para a economía española.
A redución ou eliminación deste imposto aumentaría, por tanto, a adquisición dos produtos do mar e cos conseguintes beneficios para a saúde dos consumidores e económicos para o sector, como así o avalan os informes da Comisión Nacional dos Mercados e a Competencia ou do Eumofa, o Observatorio Europeo do Mercado dos Produtos da Pesca e da Acuicultura, e análise propia, elaborada por algúns dos maiores expertos en economía pesqueira da comunidade autónoma, que certifica que tomar esta decisión redundaría na creación de emprego e da riqueza. Precisamente, este estudo simula que un descenso do tipo de IVE do 10% ao 5%, se traduciría nun incremento total do valor engadido de 28,5 millóns de euros e a creación de ata 5.575 empregos. É dicir, os beneficios da baixada deste imposto son moi superiores ao custo que terá na recadación final.
Do barco á mesa
Los Armadores del Norte é un grupo de peixerías fundado por armadores tradicionais do Cantábrico que teñen por obxectivo mellorar o produto a través das súas mans, traballo e un sabor a sal na boca. En 2022 abren a primeira, en Vilalba, desde onde comparten este produto cos consumidores de forma que o pescado e o marisco vaia directamente do produtor ao consumidor.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
