Foz, 9 de maio de 2024. O alcalde de Foz, Fran Cajoto, denuncia que o Concello perde 120.000 euros ao ano polo incumprimento na cesión de terreos de Portos de Galicia. O rexedor tratou este asunto co presidente da Federación Galega de Municipios e Provincias (FEGAMP) porque esta entidade e a Xunta de Galicia asinaron no ano 2021 un convenio para a cesión de espazos portuarios en desuso, acordo que aínda non se cumpriu.
Fran Cajoto recibiu a visita do presidente da Federación Galega de Municipios e Provincias e alcalde de Vilagarcía, Alberto Varela Paz. Na reunión trataron distintos temas de interese, como a infrafinanciación da Xunta de Galicia no municipio, que supón un sobrecusto de 800.000 euros anuais para as arcas municipais: “O Concello de Foz está asumindo competencias da Xunta no servizo de axuda no fogar e na residencia de maiores e non recibe os fondos necesarios para sufragar estes servizos. Ademais, Portos de Galicia está incumprindo un acordo do ano 2021 coa FEGAMP e obrigando ao Concello a pagar 120.000 euros anuais en concepto de taxas pola ocupación de espazo para servizos públicos como a piscina, a aula de seguridade viaria, a celebración de festexos, a nave do club Kayak ou a celebración do mercado dos martes. Estamos a falar de máis de dous anos e medio e aínda non sabemos nada da valoración da solicitude, resulta completamente inaceptable”, explica Cajoto.
O alcalde indica que este desfase nas contas estano pagando as veciñas e veciños de Foz, cando non lles corresponde. “A través das taxas e impostos municipais, que foron actualizados, temos que suplir a falta de financiamento da Xunta. Demandamos o mesmo compromiso que hai desde Santiago con outros concellos: nin máis nin menos”, finaliza Fran Cajoto.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
