Burela, 24 de maio, 2024. Carlos Cayado López (Charly C.), nado na Coruña en 2001, é a nova fichaxe do equipo masculino do Pescados Rubén Burela FS nesta tempada 23/24. Provinte de O Parrulo Ferrol, a nova promesa coruñesa poderá formar parte da plantilla de David Rial despois de pagar a cláusula de rescisión do seu contrato e obter a carta de liberdade para poder fichar polo equipo mariñán. O á coruñés, que xogou durante a tempada 22/23 no segundo equipo de O Parrulo e ocasionalmente no primeiro e durante a fase de ida desta tempada só no primeiro, provén do Sportsala Culleredo, onde empezou a xogar na tempada 21/22.
Novo pero moi prometedor, Charly C. será a nova achega para o equipo laranxa completando unha plantilla moi fresca e polivalente que continuará readaptandose para esta próxima tempada. Nesta entrevista feita en xaneiro, momento no que se comezan os trámites para a súa fichaxe, o xove xogador galego móstrase moi contento por poder incorporarse ao noso club, “O Burela é un dos clubs máis importantes a nivel galego de fútbol sala, e a calquera xogador gustaríalle ter esta oportunidade de poder xogar e de formar parte. O que máis me atrae é que é un equipo de Primeira División e da forma na que traballan, entre todos conseguirémolo. Tamén agradecer a confianza e interese de David en apostar por min a estas alturas da tempada”. Sobre a súa achega ao equipo, “Son un xogador que se deixa a pel na pista, con intensidade e velocidade axudarei xunto aos meus compañeiros para conseguir os obxectivos” e sobre o que espera aprender aquí, “Quero medrar como xogador, e estou seguro de que o conseguirei compartindo vestiario e pista con grandes profesionais”. Os seus obxectivos para esta tempada co equipo, “Este ano a liga está sendo moi rifada, pero debemos ir partido a partido dando o máximo de nós e traballando duro. Para así levar ao equipo onde se merece estar”. E unha mensaxe final á afección, “Que sigan animando e apoiando ao equipo porque entre todos conseguiremos os obxectivos do club e que se sintan orgullosos de todos os xogadores que defendemos esta camiseta”.
O presidente Laranxa, Manuel Blanco Fanego, confía plenamente nesta fichaxe, “é un xogador que xa coñecemos das categorías base de O Parrulo, onde xogou ata o de agora. Un mozo con moita proxección que xa demostrou a súa calidade durante toda a tempada pasada xogando en Segunda División e será un complemento ideal para que o noso equipo masculino poida estar o máis arriba posible. Outra fichaxe nova, na liña do noso equipo, vimos que demostra moitas ganas e ilusión en pista e esperamos que así o faga aquí tamén. Ás ordes do Míster, traballar, traballar e traballar, para conseguir minutos e achegar o máximo a un conxunto cada vez mellor equilibrado. Vai ser un punto importante para o noso ataque, fixo unha moi boa primeira volta no seu antigo equipo e ten por diante unha carreira moi prometedora, é un mozo moi polivalente e centrado.”
Celebrouse este luns na Delegación Territorial da Xunta en Lugo en memoria das vítimas dos terremotos de Venezuela.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
