Burela, 24 de maio de 2024. Como cada ano, comprácenos compartir con toda a sociedade, a través dos medios de comunicación da nosa comarca, a Memoria de actividades correspondente, neste caso, ao exercicio 2023. Ao mesmo tempo, cumprimos, como non pode ser doutro xeito, co deber de máxima transparencia que debe manter unha institución como a nosa, dedicada a unha tarefa tan sensible como a que temos encomendada: a atención a menores de familias vulnerables ou en situación de risco de vulnerabilidade.
Durante os doce meses do ano, acompañamos e demos atención a un total de 90 nenos, nenas e adolescentes, que se reparten entre 66 unidades familiares, no conxunto dos nosos Centros e Programas en A Mariña: Centro de Atención de Día (36 menores), Casa de Familia (12 menores), Centro de Acollida e Inclusión Social (6 menores) e Espazo de Preservación Familiar (36 menores), ademais do Centro de Acollida de Transición á Vida Autónoma (orientado a usuarios que xa cumpriron a maioría de idade).
O orzamento anual que fixo toda esa obra social posible alcanzou, en 2023, a cifra de 1.056.000 euros, o que supuxo un incremento do 16% sobre o exercicio anterior. Desexamos agradecer ás administracións públicas (coa Xunta de Galicia como principal financiador) todo o soporte económico que nos facilitan.
Unha novidade importante do ano 2023 foi o novo concerto social establecido coa Xunta en canto ao Centro de Atención de Día que, desde o pasado 1 de novembro, conta xa con 30 prazas, fronte ás 20 que tiña ata esa data.
O 2023 foi tamén o ano da posta en marcha, en Foz, dun novo programa: o Espazo de Preservación Familiar San Aníbal Familia Educa. Trátase dun novo recurso en materia de integración e convivencia familiar e realízase a través dun acordo marco de colaboración con Cáritas Diocesana de Mondoñedo-Ferrol.
Na Memoria, detallamos as características da poboación atendida nos centros, os recursos humanos con que atendemos estes servizos, a formación que ofrecemos aos nosos profesionais, os recursos técnicos que temos a disposición, a área de comunicación (reforzada este ano) e un apartado ao que temos un especial agarimo: as diferentes saídas e viaxes lúdico-culturais que temos oportunidade de organizar para os menores ao longo do ano.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
