A proposta inclúe crear un seguro público, demandar a exención de cotas á Seguridade Social, axudas ás confrarías e un plan de rexeneración das rías
Santiago de Compostela, 8 de maio, 2024. O BNG logrou este martes o compromiso do Goberno galego, a través do voto a favor do PP, a unha batería de medidas para apoiar ao sector marisqueiro e acometer a recuperación das rías galegas. En primeiro lugar, o acordo que defendeu Rosana Pérez insta á Xunta á elaboración e posta en marcha de xeito urxente e extraordinario dun plan de cobertura económica e social para as traballadoras e traballadores do mar afectados pola sucesión de condicións climatolóxicas adversas que se veñen producindo dende o mes de outubro.
O plan proposto polo Bloque, co que se comprometeu a unanimidade da Cámara, inclúe “axudas directas dende o mes de outubro e ata que se recupere a actividade con normalidade”, así como a “creación dun seguro público de produción marisqueira que asegure unha produción mínima e garanta uns ingresos e unha renda digna aos traballadores e traballadoras do mar en inactividade”.
Segundo o aprobado, o Goberno da Xunta tamén demandará do Estado a exención das cotas da Seguridade Social para as persoas afectadas ata que se recupere a actividade con normalidade, e se atenderá a situación económica das confrarías que se vexan afectadas por unha importante diminución de ingresos por mor da caída de produción marisqueira.
A iniciativa que defendeu a portavoz de Mar do goberno alternativo do BNG, Rosana Pérez, compromete ademais ao PP a “elaborar sen máis dilación e de acordo co sector, os centros de investigación da Consellería do Mar e as universidades galegas, orzamentar e executar un plan plurianual de medidas que permitan comezar a recuperación e rexeneración das rías galegas e a súa produtividade”.
Un plan que, ademais, sirva para “artellar os mecanismos necesarios para enfrontar as consecuencias que xa está a tero cambio climático no comportamento e cantidade dos distintos recursos e na actividade pesqueira, mexilloeiro e marisqueira de Galiza.
“Sigan polo bo camiño, aprobando as iniciativas do BNG”
Rosana Pérez lembrou que o BNG defendeu este martes “por enésima vez” a proposición non de lei aprobada hoxe, e de aí a “sorpresa” que lle causou o voto a favor do PP, ao que animou a “seguir polo bo camiño aprobando as iniciativas do BNG”, neste caso para dar resposta á situación de extrema gravidade que atravesa o sector do marisqueo pola
pola abundancia de choivas que se rexistraron a partir de outubro e o devalo produtivo que se está a producir dende hai máis dunha década.
“Ata hai ano e pouco o PP até negaba unha e outra vez a perda de produtividade nas rías galegas”, subliñou a deputada nacionalista, que máis unha vez enumerou algúns dos efectos da situación que se está a vivir nas rías: mortaldade masiva do marisco, peche de bancos, inactividade e a “perda inxente” de ingresos que afecta a miles de traballadoras e traballadores, e ertes nunha morea de confrarías. “En definitiva, unha situación de absoluta emerxencia”, resumiu.
Na defensa da proposta, a deputada da Pobra do Caramiñal criticou ao Goberno do PP, ao que acusou de dar as costas ao sector do marisqueo. Referiuse, neste sentido, á escasa contía das axudas convocadas en plena campaña electoral e só para unha parte dxs afectxs: “Non saben que facer con tantos cartos, até non sei se terán que pagar na declaración da renda”, ironizou, subliñando ademais que o PP anunciou catro millóns en axudas e só foron abonados dous.
Acordo sobre os criterios das axudas
O BNG conseguiu tamén o apoio da Comisión 8º do Parlamento a outra importante iniciativa, pola que se insta ao Goberno galego a modificar o proxecto de orde de axuda 2024 para as persoas mariscadoras afectadas pola paralización temporal en diferentes bancos marisqueiros intermareais de Galiza, de xeito que os 120 días de actividade extractiva non teñan que ser verificados necesariamente coas notas de venda realizadas nas lonxas ou centros ou centros de venda autorizados, co obxectivo primordial de evitar os posíbeis prexuízos que puideran ter lugar.
Rosa Pérez destacou a transcendencia dos dous acordos acadados este martes no Parlamento sobre cuestións que o BNG vén demandando dende hai moito tempo, e advertiu de que agora os deputados nacionalista estarán vixiantes para que o Goberno da Xunta cumpra co votado.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
