A portavoz, Eugenia Requeijo, pon como exemplos “a non convocatoria este ano das axudas á factura da luz, pagos pendentes dende o 2021 -algúns dos cales por servizos encargados a dedo sen concurso público-, a ausencia de orzamentos municipais ou a perda de subvencións”
Muras, 14 de maio de 2024. O PP de Muras advirte da “falta de traballo e de xestión” por parte do alcalde e do goberno nacionalista ante a paralización de asuntos municipais: a non convocatoria das axudas á factura da luz este ano, facturas pendentes de pago dende o 2021 -algunhas delas saltándose o procedemento que recolle a lei-, a ausencia de orzamentos municipais -e, polo tanto, de partidas orzamentarias concretas para dispoñer de fondos para facer pagos- e a perda de subvencións. É por iso polo que os concelleiros populares convidan “ao alcalde e ao equipo de goberno do BNG a poñerse a facer o seu traballo”.
Á vista de que “aínda non foron publicadas as bases para as axudas á factura da luz”, a portavoz popular, Eugenia Requeijo, advirte que “se os responsables do goberno local non convocan as axudas, non se poden solicitar e moito menos cobrar”. Tendo en conta que os anos anteriores se convocaban a comezos de ano, “este ano, canto menos, imos atrasados e, se o goberno local chega a sacar a convocatoria, tardarán en resolverse e pagarse”.
Este é un exemplo máis “da mala xestión do goberno nacionalista: da súa falta de interese por atender ao que lles preocupa aos veciños e veciñas de Muras e do seu desastre na xestión económica”.
Ao respecto, os populares advirten de “facturas pendentes de pago correspondentes aos anos 2021, 2022 e 2023” entre as que se atopan algunhas por servizos “encargados a dedo”, sen concurso público como recolle a Lei de Contratos do Sector Público.
Nese sentido, os populares explican que “non podemos apoiar as irregularidades do alcalde e o seu goberno” polo que “pedimos a retirada desas facturas e aprobar o pago de tódalas demais que o goberno nacionalista ten sen pagar por non dispoñer de partida orzamentaria prevista”. Así mesmo, explica que “o goberno municipal tampouco presentou ningunha proposta para que o Concello de Muras teña orzamento este ano”.
A popular lembra ao goberno do BNG que “está en minoría” e, polo tanto, “debe dialogar, ter a vontade de consensuar e de tratar de chegar a acordos en beneficio do Concello e dos nosos veciños”.
Eugenia Requeijo incide na “negativa xestión deste goberno municipal” sinalando “a perda dunha subvención por non cumprir prazos”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
