A portavoz, Mariña Gueimunde, incide en que “nos mentiron” porque “durante tres meses non fixeron nada máis que emitir un decreto para que solucionen o problema os demais”
Viveiro, 23 de maio de 2024. A portavoz do PP de Viveiro, Mariña Gueimunde, censura da “irresponsabilidade” da alcaldesa polos tres meses sen efectivos da Policía Local no concello e advirte “do pouco peso político que ten Viveiro para o PSOE e o BNG”.
A popular subliña que “mentíronnos durante tres meses” porque “non fixeron nada máis que emitir un decreto para que solucionen o problema os demais”. E, ademais, “a alcaldesa recoñece publicamente que os seus non lle fan caso. As súas chamadas son SPAM para o PSOE e o señor Tomé, a pesar de que Viveiro é o terceiro municipio máis poboado da provincia”.
“A señora Loureiro está soa, sen orzamento, con débedas e sen apoio institucional nin socios fiables de goberno que, lonxe de apoiala, déixana tirada nas votacións plenarias relevantes -no último pleno non votaron a favor do recoñecemento extraxudicial de crédito para pagar a metade dos 835.000 euros en facturas a provedores pendentes do 2023-. Os nacionalistas avergóñanse da xestión de Loureiro e desmárcanse da súa xestión”, considera.
Gueimunde cre que “é unha irresponsabilidade abandonar á súa sorte un tema como o da Policía Local esperando que se resolva só ou pasando a bóla a outra administración cando é un problema local que se debería abordar dende o Concello que son os que coñecen realmente o problema”.
Ademais, censura que o goberno local “non ofrecera ningún tipo de información aos membros da Corporación Municipal, máis alá dun decreto asinado o 1 de marzo para abrir un procedemento informativo e de actuación previas. E agora enterámonos pola prensa de que estamos sen instrutor”, explica a voceira do PP.
A popular sinala que, “precisamente, é o instrutor o que ten que revisar a documentación”. Pero tamén en relación á documentación, Mariña Gueimunde subliña a “incoherencia” do goberno local: “na única xunta de portavoces celebrada sobre este tema díxosenos que non tiñan constancia por escrito de ningún conflito e descoñecían porqué se foron de baixa os axentes”.
Os populares cren que “os dereitos dos traballadores hai que respectalos sempre” e “os dereitos dos cidadáns que pagan por un servizo que non teñen, tamén”. Por iso, urxen a “tomar decisións” para xestionar os recursos e os conflitos buscando un “equilibrio”.
O BNG recoñeceu fai unha semana a necesidade do servizo porque “non ter Policía Local dificulta acceso aos atestados de accidentes e ao labor do departamento de obras”. E a isto, a popular engade “as notificacións para as mesas electorais, que están realizando funcionarios e persoal laboral do Concello” aos que os concelleiros populares lles agradecen a colaboración.
“Viveiro está sen servizo de grúa, sen Policía Municipal, sen control de velocidade e circulación nin de uso de espazos públicos… e todas estas competencias non as poden asumir outros corpos e menos aínda de forma indefinida”, conclúe.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
