Este investimento vén a completar a totalidade dos 4,5M€ cos que estaba dotada esta iniciativa para avanzar na transformación dixital e servirán para mellorar a transparencia financeira, a accesibilidade das webs municipais e dotalas de chatbot
Lugo, 7 de xuño de 2024. A A Xunta de Goberno da Deputación de Lugo aprobou este venres a adxudicación, por un importe de 606.526,77€, dos últimos lotes do contrato para o subministro de equipamentos e servizos tecnolóxicos que a institución provincial lles proporcionará de maneira gratuíta ós 52 concellos da provincia que decidiron adherirse ó programa Impulsa TIC. A voceira socialista do Goberno, Pilar García Porto, sinalou que desta forma, a Deputación xa ten adxudicado a totalidade do investimento de 4,5M€ co que está dotada esta iniciativa “que puxemos en marcha cos fondos que captamos da Unión Europea co obxectivo de colaborar cos concellos da provincia para avanzar na súa transformación dixital e ofrecer un mellor servizo público ós veciños e veciñas”.
Explicou que, concretamente, quedou adxudicado o lote 1, dedicado ás ferramentas de accesibilidade sobre a web municipal, á empresa Everycode SL por un importe de 110.445€; o lote 2, que ten que ver cun chatbot integrado na web dos concellos, á empresa Telefónica Soluciones de Informática y Comunicaciones de España por un importe de 393.231,77€; e o lote 3, de medidas para mellorar a transparencia financeira, queda adxudicado á empresa Dynamic Opengov Technologies SL por un importe de 102.850€.
García Porto lembrou que o Impulsa TIC componse de 6 contratos, “dos que temos a metade en execución. Entre outras cuestións, xa estamos realizando as auditorías nos 52 concellos adheridos; e implantando os servizos de integración de aplicacións nos concellos como o Conector Padrón -que lle permite ós cidadáns sacar certificados desde a súa sede electrónica- ou o Conector Face -que permite automatizar a tramitación de facturas presentadas no concello.
“Os outros dous contratos que están adxudicados e que comezarán a executarse nas vindeiras semanas son os que teñen que ver coa posta en marcha do sistema de videoplenos e coa entrega de equipamento, como ordenadores de sobremesa ou portátiles”, engadiu a voceira.
Patrocinio da Volta Ciclista a España
A Xunta de Goberno aprobou tamén adxudicar o contrato de patrocinio da etapa 13 da Volta Ciclista a España deste ano cunha colaboración económica de 40.000€ á empresa Unipublic SA. “Grazas ás xestións do Presidente da Deputación, La Vuelta volverá á nosa provincia neste 2024. En concreto, o 30 de agosto a cita deportiva percorrerá a distancia entre a cidade de Lugo e Os Ancares, nun percorrido de 171 quilómetros, cualificado como de montaña”, valorou Pilar García Porto.
“Unha nova aposta por La Vuelta que facemos dende a Deputación e que supón un investimento en proxección nacional e internacional e en promoción turística que terá un retorno a curto e medio prazo enorme”, relatou a Deputada, quen sinalou que esta proba mobiliza a unhas 3.000 persoas, o que repercute, de xeito directo, na actividade da hostalería, o turismo e o comercio local.
Rede de Centros de Atención a Maiores
Outro dos asuntos que aprobamos na Xunta de Goberno é a adxudicación do servizo de mantemento das instalacións térmicas, o control e prevención da lexionelose e a desinfección nos 9 centros de atención de maiores que temos en funcionamento nos concellos de Trabada, Meira, Pol, Castroverde, A Fonsagrada, Pedrafita do Cebreiro, Navia de Suarna, Ribas de Sil e Ribadeo.
A empresa adxudicataria é COMSA Service Facility Management SAU por un importe de preto de 140.000€ (139.706,6€) e a duración do contrato é de 15 meses sen posibilidade de prórroga.
Remanentes do Plan Único
A Xunta de Goberno aprobou tamén as solicitudes dos concellos do Saviñao, Paradela e Xermade para investir remanentes do Plan Único do ano 2023 en novas actuacións. En concreto, O Saviñao destinará 14.697€ ó subministro de formigón para a adecuación de estradas na Igrexa de San Vicente, Forcados, A Carballa, Teibel, As Trabes, Montegrande e Montecelo-Costa. Paradela, utilizará 35.598,59€ para a pavimentación de accesos a Bacorelle. E Xermade 28.309,47€ na reparación de estradas en Casa Grande, Lugar Vello, Candamil-Lusada e en accesos ó campo de fútbol.
Programa para a Dotación e Mellora de Servizos Comunitarios
Tamén quedou aprobado o último trámite administrativo para o pago de dúas subvencións, por un importe conxunto de case 10.000€, a outras tantas entidades da provincia que resultaron beneficiarias do Programa para a Dotación e Mellora de Servizos Comunitarios, que impulsa a Deputación de Lugo. Por unha parte da Comunidade de Montes Faro de Requeixo, en Chantada, que recibe 4.188,78€ para mellorar a accesibilidade á zona da ermida do Faro do Río. E á Comunidade de Montes de Goyán, en Sarria, recibe 5.700€ para a mellora do firme dos núcleos de Goián, Vilalence e Cabezares.
Tal e como explicou García Porto, o obxectivo da Deputación con este programa é apoiar ós colectivos para que poidan acometer obras en servizos, equipamentos e infraestruturas que inciden no día a día dos veciños, tales como pistas, accesos, locais sociais, traídas de auga, fontes ou espazos públicos comunais.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
