A alcaldesa enviou un escrito solicitándoa á Dirección Xeral de Emerxencias en decembro do 2023, que culminou coa proposta de sinatura dun convenio por un importe de 20.000 euros
Barreiros, 18 de xuño de 2024. A alcaldesa de Barreiros, Ana Ermida, vén de acadar a sinatura dun convenio coa Dirección Xeral de Emerxencias para adquirir unha moto de auga para o servizo de socorrismo. O Concello de Barreiros recibirá 20.000 euros para afrontar a compra dun material que fora solicitado por escrito pola propia alcaldesa en decembro de 2023.
Ana Ermida sinala que “Barreiros contará así cun equipamento profesional moi demandado polos servizos de emerxencias, co que se dotará ao servizo de socorrismo e á propia agrupación de persoas voluntarias de Protección Civil; tomando a iniciativa de propoñer melloras que contribuirán a unha mellor seguridade nas nosas costas, e que permitirán mellorar moito os tempos de resposta e a chegada a lugares de difícil acceso para as zodiacs”.
Ermida manifestou a súa “satisfacción por acadar esta colaboración para un servizo no que levamos anos traballando en melloralo e lograr a maior eficacia do mesmo, nunha situación xeral complexa pola escaseza de persoal.” Igualmente agradeceu á Dirección Xeral de Emerxencias que “amosara a receptividade á demanda do goberno barreirense que supón, en definitiva, unha mellora da seguridade en Barreiros e na comarca”.
A rexedora explicou que en decembro de 2023 enviou un escrito á Dirección Xeral de Emerxencias no que solicitaba a colaboración para contar cunha moto de auga para un servizo cada vez máis mermado e con máis dificultades para lograr a cobertura de toda a costa. Ermida trasladaba as dificultades de prestar servizo nunha costa como a barreirense, en mar aberto e con máis de oito quilómetros de litoral; atendendo así ás aportacións do propio persoal, que sempre sinalou a mellora substancial en rapidez e eficacia que suporía contar cunha moto de auga nos rescates.
Esta solicitude foi atendida pola Dirección Xeral de Emerxencias, que nestes días trasladou á alcaldesa a posibilidade de asinar un convenio por importe de 20.000 euros para afrontar dita compra, coa que Barreiros situará o seu equipo de rescate coma un dos máis eficientes e con mellores dotacións do País; xa que a moto vén a sumarse á dúas zodiacs que estarán en funcionamento nas vindeiras semanas e o vehículo de apoio en terra, a cargo do coordinador de socorrismo e da técnica de primeiros auxilios.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
