A Plataforma de afectados pola suba abusiva de tarifas da Residencia da Terceira Idade e Centro de Día de Foz que nos pretende implantar o actual Equipo de Goberno de Coalición do Concello de Foz, ante a opinión pública e a través dos Medios de Comunicación queremos manifestar o seguinte:
Denunciar publicamente a falta de vontade política por parte do Equipo de Goberno de Coalición, denominado “Goberno de Progreso”, para resolver o grave problema xerado polo incremento desproporcionado das tarifas da Residencia da Terceira Idade e Centro de Día de Foz, derivado dunha licitación realizada ás costas dos actuais usuarios e as súas familias, que son, ao fin, os que teñen que soportar o brutal incremento.
Non nos opoñemos a unha suba de tarifas pero si na contía que nos quere implantar o actual Equipo de Goberno Municipal de forma unilateral e sen ningún tipo de interlocución cos afectados, posto que o incremento medio proposto sobre as tarifas actuais representa nin máis nin menos que 703,00 €/Mes por usuario (8.436€/Ano), cantidade abusiva, desproporcionada e fóra da realidade (+55,3% sobre as tarifas actuais).
A proposta desta Plataforma de afectados consiste en que os usuarios e familias asuman agora un incremento igual ao do IPC acumulado dos últimos 5 anos, o cal ascende a un 20,2% e, a partir da nova concesión, ir incrementando os prezos das tarifas conforme ao IPC anual resultante, de non ser así, estaríamos a pagar xa inicialmente (primeiro recibo) o impacto dunha suposta inflación de 6 anos (2024-2029).
Unha comisión da Plataforma de afectados co seu portavoz á fronte mantivo dúas reunións co Sr. Alcalde as cales resultaron totalmente infrutuosas ata o momento. De non adoptarse medidas por parte do Concello, que dalgunha maneira minimicen parte dese incremento brutal, os recibos da nova concesión repercutirían nos usuarios actuais e futuros da lista de espera co incremento medio indicado (703,00 €/mes; 8.436.00€/Ano).
Con referencia a algunhas informacións verquidas polo Sr. Alcalde en distintos Medios de Comunicación, nas que afirmaba que o Concello ten consignado nos Presupostos deste ano unha partida de 270.000,00€ para Axudas por Emerxencia Social, cantidade dispoñible para aqueles usuarios que a súa capacidade económica calculada no acade para pagar o 100% da plaza da Residencia, temos que dicirlle que non di toda a verdade, que lle faltou dicir que neste caso, serían os familiares de 1º grado os que terían que pagar a diferenza, sempre que a súa capacidade económica o permita; e que as Axudas por Emerxencia Social, de acordo coa Ordenanza Municipal que as regula, só se aplicaría nos casos en que a capacidade económica do usuario máis a dos seus familiares de 1º grado non resulten suficientes para o pago da cuota. A día de hoxe, casi ningún dos actuais residentes cumpre cos requisitos para poder acceder a estas axudas. O Concello é pleno coñecedor do que estamos dicindo.
Somos conscientes que os prezos de licitación son inamovibles por ser xa aprobados en Pleno, pero pensamos que a nosa iniciativa favorece unha suba progresiva no tempo e que pode ser asumida polos usuarios ou as súas familias, como tamén cremos que é perfectamente legal se se canaliza a través dunha achega directa similar á que existe a día de hoxe para aboar o descadre ao concesionario actual derivado por causa de forza maior e que todos coñecemos (Pandemia Mundial COVID e inicio da guerra en Ucraína). Neste sentido, queremos lembrar aquí que a Residencia de Foz foi un modelo de xestión neses tempos moi difíciles, sendo hoxe un referente en toda a comarca da Mariña polo bo facer cos residentes e usuarios de Centro de Día, o cal está reflectido na súa ampla lista de espera.
O problema xurdido coas tarifas da residencia ven xerado, só e exclusivamente, polo actual Equipo de Goberno do Concello, representado polo Sr. Alcalde, que pretende impoñer unhas tarifas cun incremento totalmente desproporcionado e abusivo. Parte dunha formulación inicial errónea sobre un estudo de viabilidade elaborado por unha empresa consultora externa sen que ninguén dese Equipo de Goberno expuxese ningún reparo respecto diso. O citado estudo o único que persegue é favorecer os intereses da empresa concesionaria, a cal nos tres primeiros anos vai recuperar máis do 80% da marxe neta prevista para os sete anos de contrato (1º Ano: 35,6%, 2º Ano: 27,3%; 3º Ano: 17,6%), dito doutra maneira, o impacto de recuperación da marxe neta da empresa é brutal os primeiros anos de contrato ao contrario dos usuarios actuais e da lista de espera aos que lles vai resultar moi gravoso e prexudicial.
O estudo de viabilidade encargado polo Concello para sacar a licitación, traslada directamente ás tarifas, desde o primeiro ano, unha posible inflación acumulada nos custos previstos, que supoñen un +18,5% no período da concesión. Esta porcentaxe equivale a un incremento en termos absolutos de +211.141 Euros, é dicir, traslada ao primeiro ano o impacto que prevé que suban os prezos en todo o período da concesión, no canto de ir incorporando ás tarifas, de forma paulatina, o incremento anual correspondente ao IPC definitivo do ano anterior.
O Sr. Alcalde, que tamén é Deputado Provincial, debería de saber que os prezos que pretenden implantar de forma unilateral na Residencia Pública de Foz, cuxa xestión foi asumida no seu día integramente polo Concello, resultarían ser os máis elevados de todas as residencias públicas e privadas da nosa contorna, quedando encadrada no rango das máis caras de toda a provincia de Lugo (públicas e privadas). Así, os prezos máximos de todas as Residencias dependentes da Deputación Provincial, icluida a de Ribadeo, son de 1.080,00€ para válidos ou menor dependencia e de 1.390,00€ para os de maior dependencia, mentres que na Residencia de Foz serían de 1.630,00€ e de 2.012,00€ respectivamente, a diferenza é moi significativa (550€ e 622€), así os veciños de Foz terán que pagar unhos 600€/mes (7.200€/Ano) máis que os de Ribadeo, cando as pensións medias son similares.
Á vista da situación actual, a Plataforma de afectados decidiu dirixirse a agrupacións e asembleas locais dos partidos con representación na Corporación para facelos copartícipes do documento que lle foi entregado ao Sr.Alcalde, co aval de 239 firmas, como base de negociación e darlles a coñecer a situación dramática na que se van a atopar a maioría de usuarios actuais e futuros da lista de espera, case todos eles veciñas e veciños do concello de Foz, coa entrada en vigor das novas tarifas.
Manuel García Acebo, portavoz
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
