Ribadeo, 23 de xuño, 2024. A semana pasada o alcalde, Daniel Vega, anunciou con” moito bombo” que nesta semana que acaba íase asinar o convenio de colaboración entre Concello e Xunta, para que esta última achegue os 700.000€ prometidos en campaña electoral. “Desde o BNG de Ribadeo celebramos este anuncio, pero tamén dixemos que permaneceríamos vixiantes para que non se quedase nunha simple promesa”.
Estas son as declaracións do voceiro municipal do BNG de Ribadeo, Pablo Vizoso: “Nunha nova demostración de pouca credibilidade, ou mesmo de enredo intencionado, o alcalde do PP volveu mentirlle aos veciños e veciñas ao incumprir o anuncio que el mesmo fixo a semana pasada. Non entendemos a necesidade de enganar á veciñanza dando unha data concreta para unha asinatura e que logo non se cumpra. Isto xéranos unha pregunta: mentiu o alcalde de Ribadeo para calmar os ánimos desta oposición e dos veciños e veciñas que estabamos reclamando a sinatura deste convenio? Ten realmente a confirmación de que se vai asinar dito convenio? Comezamos a sospeitar cando, no Consello da Xunta deste luns pasado, non apareceu nada sobre o anunciado convenio de colaboración. Desde o BNG de Ribadeo queremos esixirlle á Xunta e ao goberno municipal que se asine inmediatamente o convenio, e que se deixe de tomarlle o pelo aos veciños e as veciñas de Ribadeo. Necesitamos un impulso firme e decidido para que as obras do Hospital-Asilo avancen a bo ritmo dunha vez por todas. Máis eficiencia no control da marcha das obras, e menos darlle ao veo no seo do goberno municipal”.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
