Pese ao voto en contra dos socialistas, a proposta do Grupo Provincial Popular aprobouse co apoio dos deputados do BNG polo que “agardamos que o goberno provincial cumpra co acordo e inste ao goberno de Pedro Sánchez a realizar unha nova proposta que non elimine servizos e manteña aos lucenses illados”
Lugo 25 de xuño de 2024. Os deputados do Grupo Provincial Popular critican a postura de PSOE por querer que Lugo siga a ser a provincia máis illada de España ao votar en contra dunha proposta dos populares na que se pedía que a Deputación de Lugo instar ao Goberno do Estado a realizar unha nova proposta do novo mapa das liñas de transporte por autobús. Pese ao voto en contra dos socialistas, a iniciativa aprobouse cos votos a favor de PP e BNG.
O voceiro popular, Antonio Ameijide, acusou aos socialistas de “tentar blanquear” os constantes ataques de Pedro Sánchez á provincia de Lugo e aos lucenses, tendo como último exemplo a proposta de eliminar 10 paradas na provincia.
Neste senso, Ameijide ve necesaria unha nova proposta que “non elimine paradas nin retire servizos” xa que á proposta do goberno de Pedro Sánchez o que di é que “van a incomunicar aínda máis á provincia de Lugo, a máis illada de España”. “Non se entende” esta proposta do Goberno central, que debe “sentarse a dialogar coas comunidades autónomas o alcance e contido dun novo mapa estatal” para o que consideran necesario convocar de forma urxente a Conferencia Nacional de Transportes.
É necesario que o Goberno central deixe de illar a Lugo e dote á provincia de todas as infraestruturas necesarias, como a chegada da Alta Velocidade ferroviaria, recuperar as frecuencias de trens perdidas, rematar as autovías a Santiago e Ourense, a autovía da Mariña ou realizar o necesario mantemento nas autovías xa existentes e nas Nacionais.
CIRCUNVALACIÓN NO BURGO
Antonio Ameijide lamentou a postura de PSOE e BNG de negarse a mellorar a seguridade na parroquia de San Vicente do Burgo ao non votar a favor da execución da variante da LU-P-2901 dende o PK 3,3 ata o 5,4.
Recordan dende o PP que este proxecto iniciouse cun goberno do PP á fronte da Deputación, no ano 2006. Incluso, en decembro de 2018 acadouse a unanimidade das tres forzas políticas da corporación provincial para iniciar, de forma urxente, todas as accións necesarias para poñer en marcha o proxecto de ensanche e mellora desta vía.
Este proxecto “é moi necesario” para poder mellorar a seguridade neste treito, que conta cunhas características moi especiais: ancho de vía moi estreito, alta densidade de circulación e moitos peóns na vía ao compartir percorrido co Camiño Primitivo.
“Este voto en contra non é un voto en contra do PP. É un voto en contra de mellorar a seguridade viaria e de mellorar a calidade de vida dos veciños desta zona que, seguen alertando de que calquera día vai a haber que lamentar un accidente grave”, sinalou.
Incluso, a pesar de realizar a execución desta variante sería convinte materializar tamén unha senda peonil paralela á vía no tramo que coincide co Camiño Primitivo.
ADHESIÓN DE MONFORTE AO TRIBUNAL ADMINISTRATIVO DEPUTACIÓN
Antonio Ameijide valorou a adhesión de Monforte ao Tribunal Administrativo de Recursos Contractuais da Deputación de Lugo, “unha solicitude que cada concello decide libremente” pero que “neste caso consideramos que vén a pechar o círculo da contratación na Deputación de Lugo”.
O voceiro popular recorda que o Grupo Provincial Popular xa votou en contra da creación deste Tribunal “ata en tres ocasións” xa que vén a “solapar” as funcións do TACGAL, tribunal coas mesmas competencias a nivel autonómico e cun elevado grao de aceptación: Resolve 300 casos anuais, cun período medio de resolución de 14 días e ten unha altísima porcentaxe de aceptación e éxito, só acaban no xulgado o 6,8% dos casos examinados.
“Non vou a dicir que este Tribunal sexa para facer traxes a medida para as contratacións dos alcaldes socialistas, pero si que pode ser para que eses traxes senten mellor”, afirmou o popular.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
