Viveiro, 27 de xuño, 2024. A Praza de Abastos de Viveiro, que sempre foi o mercado emblemático da nosa cidade, non pasa polo seu mellor momento. Conta con doce locais como posibles puntos de venta, dos que a día de hoxe e despois dos últimos peches, unicamente cinco están abertos o publico, tres peixarías, unha froitería e unha tenda de ultramarinos, sendo a oferta cada vez menos variada.
O equipo de goberno anunciou no pleno do 4 de outubro de 2023, contestando a unha moción presentada polo PP, a disposición a acadar a denominación de Mercado Excelente para a Praza de Abastos de Viveiro, nove meses despois estamos na mesma situación e non se coñecen avances significativos. O desanimo dos praceiros con postos de venta abertos e cada vez mais evidente, pois ven moi complicado o futuro da praza.
Por todo o exposto, rogamos ao equipo de Goberno a realización das xestións necesarias para unha rapida licitación dos postos vacantes na Praza de Abastos de Viveiro.
Camiño da Estación
O firme do Camiño da Estación está moi deteriorado e con numerosas fochancas, como se pode ver nas imaxes que se xuntan, feito que dificulta notoriamente a circulación, principalmente no tramo en curva.
Por todo o exposto, rogamos ao equipo de Goberno a realización das xestións necesarias para o arranxo das mencionadas deficiencias do Camiño da Estación.
Sinais informativos da Variante
Traemos de novo a pleno este rogo, presentado por primeira vez no mes de xuño de 2022. Como se pode ver nas imaxes que se xuntan, os sinais informativos situados na variante de Viveiro, están totalmente ocultos nas árbores da beirarrúa da estrada LU-862, camuflaxe que dificulta que os sinais cumpran co obxectivo para o que foron instalados.
Por todo o exposto, rogamos ao equipo de Goberno a realización das xestións necesarias para a reubicación dos devanditos sinais nunha zona mais visible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
