Ribadeo, 24 de xuño de 2024. Na oferta educativa do Centro Integrado de Formación Profesional (CIFP) Porta da Auga, de Ribadeo, para o curso 2024-2025 hai tres novidades: os ciclos de grao superior en asistencia á dirección, a distancia; en animación sociocultural e turística, este último en horario de tarde; e en automoción, de dual intensiva e tamén en horario de tarde. O prazo de admisión para estas e outras formacións está aberto desde hoxe, luns 24 de xuño, ata o 4 de xullo e no centro axudan ás persoas interesadas a cubrir a súa solicitude.
O director do CIFP Porta da Auga, Isidro Berdeal, explica: “para o vindeiro curso académico, 2024-2025, seguimos a ofertar ciclos formativos das especialidades de Administración, Edificación, Electricidade, Automoción e Servizos á Comunidade. En modalidade presencial pódense cursar ciclos básicos de Servizos administrativos e de Mantemento de vehículos; grados medios de Xestión Administrativa, Atención a persoas en situación de dependencia e Electromecánica de vehículos automóbiles; e ciclos superiores de Administración e finanzas, Educación infantil, Automoción e, como novidade, Animación sociocultural e turística, que se impartirá en horario de tarde, de 16:00 a 21:30 horas”.
Isidro Berdeal engade: “en modalidade a distancia seguimos a ofertar o ciclo medio de Xestión Administrativa e, como novidade, teremos tamén o ciclo superior de Asistencia á dirección, que, por exemplo, permite ao alumnado que xa teña cursado anteriormente o ciclo superior de Administración e finanzas sacar unha segunda titulación en só un curso académico. E en oferta modular presencial seguimos a ofertar o ciclo medio de Obras de interior, decoración e rehabilitación; e tamén o ciclo superior de Sistemas electrotécnicos e automatizados, ambos en horario de tarde, de 17:00 a 22:30 horas”.
Ademais, en modalidade dual o Porta da Auga continuará impartindo o ciclo medio de Instalacións eléctricas automáticas, en horario de mañá; e pola tarde, como novidade, oferta o ciclo superior de Automoción.
E Berdeal remata anunciando que o CIFP ribadense “volve contar cunha formación que foi novidade no curso pasado: de especialización de grao superior en Mantemento e seguridade de sistemas de vehículos híbridos e eléctricos, que permitirá ao alumnado especializarse neste tipo de automóbiles e que se imparte en horario de 17:00 a 21:30 horas”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
