O portavoz do PP na Deputación aplaude o “ton cordial e construtivo” e destaca “a aposta da Xunta pola provincia de Lugo” e “o trato igualitario de Rueda cos Concellos e provincias gobernadas por distintas cores políticas”
Lugo, 18 de xullo de 2024. O portavoz do Grupo Provincial Popular na Deputación de Lugo, Antonio Ameijide, aplaude o “ton cordial e construtivo” da reunión entre o presidente da Xunta, Alfonso Rueda, e o da Deputación de Lugo, José Tomé, que agardamos que sirva para “impulsar investimentos frutíferos para a provincia e solucionar problemas que veñen de antano”. Así mesmo, subliña “a aposta do Goberno galego pola provincia de Lugo” e destaca “o trato igualitario de Rueda aos Concellos e provincias independentemente da cor política dos seus gobernos”.
Nese sentido, Ameijide pide a Tomé que “copie o ‘estilo Rueda’: o dun presidente que escoita os problemas da provincia e aporta solucións e investimentos”. Polo tanto, convídao a que “tome nota” e “rectifique a súa actitude de sectarismo político cara aos Concellos gobernados polo Partido Popular e a súa negativa sistemática nos máis de 5 anos á fronte da Deputación a escoitar aos seus alcaldes”.
Igualmente, o portavoz popular agradece que “a Xunta se tome en serio as infraestruturas na nosa provincia” e “pedimos á Deputación de Lugo que siga o seu exemplo apostando polo mantemento das súas propias infraestruturas e demandando ás administracións que correspondan a mellora das da súa competencia”. Ao respecto Ameijide subliña que o Goberno que preside Pedro Sánchez ten pendente as autovías da Mariña e as que conectan con Ponferrada e Ourense e lembrou que “os investimentos nas estradas estatais condicionan tamén o avance nas vías de titularidade autonómica”. Así mesmo, lembra o popular que “o AVE non chega á nosa provincia”.
Ameijide agradece “a rectificación implícita” de Tomé e PSOE para “parar de boicotear proxectos industriais sen esperar aos informes técnicos” e manifesta o seu “apoio á proposta do presidente Rueda de agardar aos informes e, posteriormente, se cumpren apoiar iniciativas industriais na provincia”. Polo tanto, “agradecemos que Tomé entrara en razón nesta materia” e continúa a demandar ao goberno provincial “apoio para captar proxectos industriais para a provincia, tal e como fai a Xunta nos seus polígonos que están practicamente ocupados, unha política que debera copiar a Deputación de Lugo”.
Igualmente, subliña que “Tomé tamén recoñece que o Goberno do Estado non está a pagar o que lle corresponde polo SAF, o que provoca que sexan os Concellos e a Xunta os que teñan que asumir os custes porque Pedro Sánchez lle nega ese financiamento aos usuarios e usuarias”.
En relación á sanidade pública, Ameijide agarda que “a reunión de onte sirva para que a Deputación de Lugo se sume á reivindicación para que o Goberno de Pedro Sánchez aumente as prazas para poder formar máis médicos. O problema da falta de médicos e da cobertura de prazas que non é so de Galicia, senón de ámbito nacional; e a solución pasa porque o Ministerio de Sanidade abre a man”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
