O portavoz, Roberto Díaz, chama ao goberno local a “avaliar” a situación e “adoptar medidas” para asentar empresas á vista de que “houbo varias interesadas en instalarse no concello, pero remataron por instalarse en concellos limítrofes”
Lourenzá, 5 de xullo de 2024. O PP laurentino lamenta a “nula política de impulso ao emprendemento” que practica o goberno municipal á vista de que “en Lourenzá non se creou ningunha empresa no que foi o mellor semestre en creación de empresas na Mariña en 5 anos”.
Os populares advirten que “o emprego e o asentamento da poboación están interrelacionados: se non se crean oportunidades laborais non se asentar familias no municipio e se non hai xente, tampouco hai quen cree empresas e emprego. Mentres noutros concellos da comarca si se xeran oportunidades, Lourenzá quédase atrás”.
O portavoz, Roberto Díaz, asegura que “houbo varias empresas interesadas en instalarse no noso concello, pero remataron por marchar a asentarse en concellos limítrofes”. Polo que chama ao goberno municipal a “avaliar a situación e adoptar medidas para que Lourenzá volva ser un municipio que xere emprego e dinamización económica”.
O popular explica que “Lourenzá é Concello Emprendedor, unha iniciativa impulsada pola Xunta en colaboración co FEGAMP dirixida a favorecer a implantación e o funcionamento de propostas empresariais” e, polo tanto, “o Concello ofrece vantaxes como incentivos fiscais, simplificación administrativa e facilidades de acceso a solo industrial”. Pero, “á vista dos datos de creación de empresas no último semestre, queda claro que non se está a facer o esforzo necesario por dar a coñecer estas vantaxes e buscar de forma activa empresas que poidan estar interesadas en asentarse en Lourenzá”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
