O viceportavoz, Martín Vale, explica que “esta proposta pretende ofrecer unha solución para afrontar os retos do sector turístico de Viveiro, un sector importante para a economía viveirense que precisa dunha organización que cremos que non se fixo correctamente nos últimos anos”
Viveiro, 29 de xullo de 2024. O Grupo Municipal Popular de Viveiro lograba sacar adiante no pleno deste mesmo mes por unanimidade – cos votos a favor de tódolos grupos da Corporación local- unha iniciativa para a elaboración dun plan turístico en colaboración coa Universidade da Coruña (UDC). E hoxe celebrouse unha reunión de voceiros coa participación da técnica da Oficina de Turismo e persoal da UDC como “primeira toma de contacto” para “marcar a liña de traballo e buscar posibles vías de financiamento”.
O viceportavoz popular, Martín Vale, destaca “o traballo produtivo que está a realizar o PP en beneficio de Viveiro e, neste caso concreto, para mellorar a promoción turística, un sector importante para a economía viveirense que precisa dunha organización que cremos que non se fixo correctamente nos últimos anos”.
Os populares propoñían, concretamente, estudar a forma dun convenio coa UDC, xa que esta Universidade galega ten Facultade de Turismo e experiencia no desenvolvemento de plans de promoción turística. Ademais, propoñían a participación activa de tódolos grupos políticos da corporación, empresas do sector, traballadores municipais da área de turismo e estudantes mariñáns dos últimos cursos da UDC.
O popular explica que “esta proposta pretende ofrecer unha solución para afrontar os retos do sector turístico de Viveiro” e defende que “o sector precisa unha dixitalización para a toma de datos para a mellora da análise dos mesmos” e “estudar as accións de promoción para optimizar os recursos que empregamos”. Con todo isto, “o que pretendemos é liderar o eixo de acción na Mariña que é o lugar que lle corresponde ao noso concello”.
DESTINO TURÍSTICO DE REFERENCIA
Os populares lembran que “Viveiro é un destino turístico de referencia”. Nos últimos anos viñéronse desenvolvendo diferentes iniciativas, algunhas das mesmas destinadas á desestacionalización desta actividade económica e outras que xa se viñan desenvolvendo tradicionalmente.
Os concelleiros do PP entenden que “estas medidas leváronse a cabo aproveitando a inercia de actividades como a Semana Santa ou o Resurrection Fest, pero de forma un tanto descoordinada, sen marcar unha folla de ruta nin un obxectivo a medio/longo prazo”.
“Para dar un paso cara adiante no avance do noso sector turístico cremos necesario o desenvolvemento dun plan de promoción e dinamización turística plurianual, do noso concello e a súa área de influencia que contribúa a unha melloría do noso posicionamento respecto outros destinos”, sinalan.
O obxectivo do plan de promoción turística proposto polo Partido Popular sería “analizar fortalezas e debilidades da nosa oferta turística, estudando as actividades que veñen desenvolvendo ou que se poderían poñer en marcha para tratar de optimizar a marca Viveiro e conseguir no posible o máximo rendemento aos recursos empregados”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
