O senador José Manuel Balseiro presentou a iniciativa no Porto de Burela xunto aos compañeiros do PP local
Burela, 26 de xullo de 2024. O parlamentario mariñán José Manuel Balseiro vén de rexistrar no Senado unha batería de iniciativas nas que demanda ao Ministerio de Agricultura, Pesca e Alimentación que elabore un estudo científico para indagar as razóns polas que se está a producir unha significativa redución das capturas de xarda (Scomber scombrus, especie pesqueira tamén coñecida como caballa ou verdel).
Así por exemplo, a cota para a frota da provincia–arrastre e cerco– é de 640.000 quilos e, a esta alturas, tan só se pescaron 50.000. “Mantense -explica Balseiro- unha tendencia preocupante que vén repetindo nos dous últimos anos”.
O senador popular considera que o Goberno de España debe encomendar ao Instituto Español de Oceanografía (IEO) un traballo de investigación prospectiva que, a través dun seguimento desta especie en augas ibéricas, axude a esclarecer as causas desta diminución de capturas. “Todo apunta a que, e así nolo traslada o sector, non é un problema de carencia de stock, xa que se atopa en bo estado, senón a outras causas por determinar”.
Para explicar esta situación hai varias hipóteses, pero ningunha resposta con base científica. Entre as posibles razóns pode estar a temperatura da auga, que sexa unha cuestión cíclica ou mesmo a abundancia do seu alimento natural (sardiña, anchoa, boquerón) que fai que a cabala non ascenda ás superficies habituais onde se captura, ou quizá, a voracidade do seu depredador natural (o atún vermello ou o branco) que dificulta que estea presente en augas máis superficiais.
UNHA ESPECIE CLAVE PARA A PESCA LUCENSE
Balseiro lembra que este ano unha trintena de embarcacións participan na pesqueira dirixida á cabala só na provincia de Lugo, frota pioneira na xestión da especie. Con todo, o fenómeno que afecta á cabala non é exclusivo da frota galega, senón que o sofren tamén outras, como a asturiana, cántabra ou vasca. “Todo isto sen esquecer ademais a súa importancia a campaña a xarda ten tamén para a industria transformadora, xerando actividade e emprego no sector”.
As estatísticas oficiais de primeira venda corroboran que costeira da xarda xa non é o que era. Así por exemplo as 4.505 toneladas de cabala comercializadas o ano pasado en Galicia supoñen un 38% menos que en 2022 e os datos apuntan a outro descenso este ano. Unha tendencia que se reflicte no podio de lonxas galegas polas que máis cabala pasa que son Burela, A Coruña e Ribeira. Isto tradúcese nunha caída dos ingresos a máis da metade. “A preocupación é especialmente intensa en zonas como A Mariña lucense, onde a costeira da cabala representa entorno ao 65% das vendas en lonxa”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
