Burela, 10 de xullo, 2024. A Organización de Produtores Pesqueiros do Porto de Burela organizou este mércores 10 de xullo unha nova xornada sobre innovación e tecnoloxía na pesca, que tivo lugar no salón de actos de ABSA, no porto de Burela, e na que estivo representada máis da metade da frota local.
Durante toda a mañá tratáronse os principais retos en innovación e modernización do sector pesqueiro, como a observación electrónica a bordo, medidas de mitigación ou comunicacións satelitais e intelixencia artificial no entorno pesqueiro.
A xornada abriuse coa intervención do director xeral de Pesca e Innovación Tecnolóxica da Xunta Galicia, Antonio Basanta, que analizou os principais retos da pesca galega relacionados co desenvolvemento tecnolóxico, a revisión da política pesqueira común e a substitución xeracional.
Tamén anunciou as súas previsións en canto ás axudas á modernización da frota, que arrincan con atraso respecto a anos anteriores con motivo do novo fondo do FEMPA. A súa previsión é que saian publicadas nos próximos días de xullo e que se presentarán en cinco liñas de actuación, cun mellor aproveitamento dos fondos para todo o sector pesqueiro galego.
A continuación, Jorge Pérez Bouzada, director comercial de Marine Instruments, falou sobre “A observación electrónica a bordo como modelo de xestión pesqueira integrada”, dentro dunha “viaxe de innovación” xunto ao sector pesqueiro. Presentou exemplos da tecnoloxía xa dispoñible, con mellor conectividade e integrados en software de xestión pesqueira. Explicou o sistema de monitorización a bordo, así como as vantaxes competitivas da observación electrónica para a recollida de datos e defensa dos argumentos sectoriais, cunha tecnoloxía xa madura e as ferramentas en mellora da conectividade a bordo.
No segundo bloque da xornada, Paulo Lago Barreiro, técnico do programa mariño de SÉ-BirdLife, presentou os traballos en innovación realizados coa frota de palangre de superficie da OPP Burela durante o último ano: “Exemplo de proceso innovador en deseñar medidas artesanais de mitigación para evitar as capturas de aves”, explicando un deseño innovador de liñas espantallos que se poden construír a bordo do buque con materiais dispoñibles nos barcos. Este caso non se trata dun proceso de tecnoloxía, pero si dunha innovación moi práctica a bordo.
Na parte final do evento, a través da presentación “Retos e oportunidades das comunicacións satelitales e Intelixencia artificial no entorno pesqueiro”, o director xeral de Nautical, Carmelo Zabala Arbulu, centrouse nos exemplos de nova tecnoloxía dispoñibles en comunicacións satelitais e intelixencia artificial dispoñibles. Nos dous últimos anos desenvolvéronse verdadeiras revolucións nas comunicacións, tanto por prestacións como por modelo de negocio, con mellores servizos dispoñibles para a xestión pesqueira, conexións e aplicacións cada vez máis completas para o sector.
O conselleiro do Mar da Xunta de Galicia, Alfonso Villares, encargouse da clausura da xornada, na que agradeceu ao sector pesqueiro local o seu labor e presentou á OPP Porto de Burela como exemplo de boas prácticas e de respecto ao mar, destacando a súa defensa da pesca sostible e lembrando a súa recente experiencia conxunta en Luxemburgo durante a defensa do palangre demersal ante o veto da Comisión EU á pesca de fondo.
O conselleiro do Mar asegurou que este tipo de xornadas é o mellor exemplo para afrontar os retos da Galicia pesqueira, onde todos xuntos deben traballar para poñer en valor a actividade e a achega da proteína máis sa que existe.
Esta acción está cofinanciada por Xunta de Galicia e FEMPA, incluída no plan de produción e comercialización anual da OPP-7 Porto de Burela co obxectivo de contribuír á trazabilidade dos produtos da pesca e ao acceso dos consumidores a información clara e completa.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
