Expuxeron que hai 9 vacantes nos centros de saúde mariñáns, ao que hai que sumar que non se están cubrindo nin as vacacións nin as baixas “cando moitos municipios vén triplicada a súa poboación nestes meses”
Lugo, 18 de xullo de 2024. O Secretario Xeral do PSdeG na provincia e Presidente da Deputación de Lugo, José Tomé Roca, denunciou este xoves en Burela a precariedade que sofre a sanidade na Mariña en plenos meses de verán. Alertou desta situación diante do Centro de Saúde burelés xunto á Secretaria de Organización Adxunta do PSdeG, Ana Pena, a Alcaldesa de Burela e Deputada provincial, Carmela López, membros da executiva provincial, alcaldes e alcaldesas e voceiros e voceiras socialistas na comarca.
Tomé Roca expuxo que na comarca hai 9 vacantes de médicos de familia sen cubrir, ao que hai que sumar que tampouco se están cubrindo as baixas nin as vacacións dos facultativos. “É o que pasa en Barreiros, por exemplo, que se vai quedar cun médico só no mes de agosto, cando é precisamente nesta época da ano cando se triplica a poboación na localidade pola chega dos turistas”, explicou. Unha situación que se replica nos concellos de Viveiro, Foz, O Valadouro, Cervo ou O Vicedo. Tamén alertou da falta de cardiólogo dende a xornada deste mércores no Hospital Público da Mariña, “algo realmente preocupante que pon en risco a saúde da xente”.
“Lamentablemente non é un tema novo, dende o PSdeG levamos dende hai tempo urxindo unha solución aos problemas que atravesa a sanidade pública galega. Estamos no peor momento en anos”. “Necesitamos que alguén lle poña cabeza, eu onte mesmo reuníame con Alfonso Rueda e pedinlle unha estratexia para solucionar este problema porque as medidas que toman dende Xunta de Galicia nesta materia parecen improvisadas e van dando tumbos”, expuxo Tomé Roca. Así mesmo, pide políticas sanitarias públicas, porque o que está pasando, explicou, é que o PP “está expulsando aos sanitarios da pública, que se ven na obriga de traballar na sanidade privada, e paralelamente, derivando aos pacientes a realizar probas diagnósticas e consultas á privada. Evidentemente esta non é sanidade pública que defendemos os socialistas para Galicia”.
A Alcaldesa de Burela e Deputada provincial, Carmela López, pola súa banda, denunciou que no Centro de Saúde de Burela “temos días de só dous médicos dos seis que deberíamos ter, non se están cubrindo nin vacacións nin baixas e hai peonadas polas tardes dúas veces á semana”. Detallou que “os nosos veciños e visitantes teñen que esperar entre dúas semanas, ou incluso tres, para ter unha cita de atención primaria”.
“Isto está saturando a nosa atención primaria. O que consideramos que hai que acabar con esa precariedade laboral e fomentar contratos de longa duración e non ofertar contratos dunha semana ou quince días que non atraen a profesionais”, subliña a Alcadesa.
Unha situación “insostible”
A Secretaria de Organización Adxunta do PSdeG explicou que o Partido Socialista leva tempo denunciando as carencias no sistema sanitario e só “vemos como empeora a situación e se volve insostible”. “A situación que se está a vivir en Burela esténdese por todos os municipios da contorna, da provincia e de Galicia. Este caso súmase a outros como o de Castro de Rei, onde o centro de saúde pecha durante o verán, o de Vilalba onde os nenos e nenas son atendidos polos médicos de familia ou derivados ao HULA, ou o que acontece en Mondoñedo e Barreiros que se comparte o servizo de pediatría”, expuxo Ana Pena.
“Estamos á cola na atención sanitaria do país, con máis do 60% dos concellos sen servizo de pediatría”, subliñou a socialista. Así mesmo, reiterou a petición dun plan de choque urxente, dotado cos recursos suficientes para corrixir esta xestión deficitaria e esta demora na atención sanitaria que estamos padecendo os galegos e as galegas”.
“O Goberno do Estado vén de asinar unha partida de máis de 11M€ para o reforzo en Galicia da atención primaria, para unha competencia que é exclusiva da Xunta e para un servizo que é esencial para os galegos e galegas”, explicou Ana Pena.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
