Ribadeo, 16 de xullo de 2024. Pancha, seguridade, miradoiro de Loctudy e 4º Plan de Igualdade centrarán o pleno que se celebrará esta tarde no Concello de Ribadeo.
O alcalde, Dani Vega, sinalou que “esta tarde noite celebramos pleno municipal en Ribadeo, onde abordaremos varios asuntos na orde do día. O primeiro deles será incrementar a partida orzamentaria para a moeda local, a Pancha, pasamos de 65.000 a 85.000 euros. Trátase dun incremento de 20.000 euros. Entrará rapidamente en vigor para que estea en circulación esa colaboración co comercio local. É unha boa maneira de impulsar economicamente o comercio e polo tanto a moeda local incrementa o orzamento porque asinamos un convenio coa Dirección Xeral de Comercio, coa Xunta de Galicia, de 20.000 euros en promoción económica”. Para o rexedor trátase “dunha moi boa xestión, que permitirá que se beneficien todas aquelas persoas que veñan comprar á vila de Ribadeo”.
Vega contou que “tamén aprobaremos o convenio que se vai asinar coa Secretaría de Estado en materia de seguridade. Hai poucos días que tiñamos esa xuntanza da mesa de seguridade para abordar esta importante cuestión. É moi responsable coordinar todos os eventos e ten que haber seguridade en todos eles. Este convenio o que lle da é un rango superior e xa vamos ter esa coordinación coa Secretaría de Estado”.
O alcalde engadiu que “grazas tamén ao colectivo que coordina o irmandamento con Loctudy, cos que estamos a traballar conxuntamente para organizar un acto en setembro, e tamén darlle o nome de Loctudy ao novo miradoiro do Cargadeiro. E aprobaremos o cuarto Plan de Igualdade. Hai que felicitar á concelleira responsable, aos técnicos deste departamento que están a facer un grande traballo e por iso imos aprobar ese plan”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
