Burela, 26 de agosto de 2024. O Concello de Burela fixo balance dunha nova edición dos seus catro campamentos de verán, nos que participaron un total de 75 nenas e nenos en cada un deles.
Estes campamentos, que se desenvolveron no CEIP Virxe do Carme ao longo de xullo e agosto, estiveron organizados a través da Aula Gaia de Educación Medioambiental.
A concelleira responsable da aula Gaia, Lina Gómez, destacou que a cativada participante “fixo un montón de actividades que forón máis alá das típicas en campamentos deste tipo, incluíndo sesións de cinema, xogos, manualidades e moitísimo máis”.
Gómez sinala que “a nova edición dos campamentos foi, de novo, un éxito, polo que agradecemos enormemente a colaboración de todas as familias, da cativada e de todas as persoas implicadas”.
Entre as iniciativas máis destacadas realizadas no marco dos campamentos estiveron a visita da AECC, coa realización de xogos para concienciar sobre a importancia da protección solar, ou a ruta coa asociación de sendeirismo “Pasada das Cabras” xunto aos usuarios e usuarias da fundación Eu Son.
Ademais, tamén se realizaron diversas actividades con motivo da obtención, un ano máis da bandeira azul por parte do centro Gaia e mais da praia do Portelo.
A cativada tivo a oportunidade de coñecer máis de preto ás medusas, aprender máis sobre a reciclaxe ou detectar ovos de quenllas e raias nas praias de Burela. Tamén se realizou un xogo de pesca no que se concienciou sobre os perigos da pesca excesiva.
Tamén destacaron a visita á panadería na que as nenas e nenos puideron preparar pan e pizza, as saídas á praia, a actividade na Marosa co club de tenis ou a visita á Confraría de Pescadores.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
