Ribadeo, 29 de agosto de 2024. O Salón dos Alcaldes acolleu esta mañá a recepción ofrecida polo Concello aos deportistas locais que acadaron medallas este ano nos Campionatos Nacionais nos que participaron ou que foron finalistas.
Trátase de Paula Conde Carrelo, Brais García González e Pablo Fernández Díaz en atletismo; Manuela Lastra Castillo, Elena Justo Carballeira e Judith Fraiz Carreira, en piragüismo; e Carlota Peña Vior, Irene García Valle, Antón Balsa Val, Irene Martínez López, Mateo Monteserín González, Conrado Lara Calonge, Paloma Monteserín González, Adriana García Martínez, Izan Alonso Fernández, Sara Rodríguez Álvarez, Pelayo Fernández Ron e Daniel Rivas Oural en remo.
No acto participaron o alcalde, Dani Vega; o concelleiro de Deportes, Francisco José Silvent; Javier Suárez, representante de Reny Picot; e o técnico municipal de Deportes, Iván López.
O alcalde, Dani Vega, destacou “o traballo, dedicación, disciplina e constancia” de todos estes deportistas aos que lles lembrou que “son embaixadores de Ribadeo” aló por onde van.
O rexedor agradeceu o apoio da empresa Reny Picot, que é a que achega os agasallos ás rapazas e aos rapaces homenaxeados hoxe. Recibiron cheques de 150 euros (os campións), 100 euros (os subcampións), 60 euros (os terceiros clasificados) e 30 euros (os finalistas).
Vega tamén tivo palabras de recoñecemento para o concelleiro e para o técnico de Deportes, Francisco José Silvent e Iván López polo traballo que están a realizar ao longo de todo ano neste departamento.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
