Antonio Ameijide e os concelleiros do PP en Lourenzá, Roberto Díaz e Sandra Gómez, comprobaron o abandono e o perigo existente nesta estrada, na que vehículos e peregrinos comparten a calzada que nestes meses “é moi estreita debido a que a Deputación aínda non realizou o desbroce da maleza”
Lourenzá, 29 de agosto de 2024. A seguridade debe ser unha prioridade para todas as administracións, pero semella que para o PSOE e o BNG na Deputación de Lugo non é así á vista do nulo mantemento que realizan nas estradas provinciais.
Unha situación que se repite ao longo de toda a provincia e Lourenzá non é unha excepción. Hai uns días, o voceiro provincial popular, Antonio Ameijide, xunto aos concelleiros do PP nese municipio, Roberto Díaz e Sandra Gómez, comprobaron o mal estado das estradas que a Deputación ten en Lourenzá, preocupando especialmente a situación da LU-P-2803.
Esta estrada provincial, que uno Santo Tomé con Lindín, é moi empregada a diario xa que conecta varios núcleos de poboación ademais de contar con parte do Camiño do Norte, unha vía en auxe e que cada vez conta con máis peregrinos.
Antonio Ameijide pon de manifesto a necesidade de dotar a esta estrada de medidas de seguridade xa que é moi estreita en moitos puntos “e agora no verán aínda máis porque a Deputación aínda non realizou o desbroce da maleza polo que o espazo para que vehículos e peregrinos poidan pasar é máis reducido”.
Tanto Antonio Ameijide como Roberto Díaz e Sandra Gómez coinciden na necesidade de habilitar unha senda peonil segregada da vía, naqueles puntos onde sexa preciso, para garantir a seguridade para camiñantes e condutores. “Non sería o primeiro lugar no que se habilita unha senda peonil á marxe da estrada pola que poidan transitar os peregrinos e demais peóns de forma que se separe o seu tránsito do tráfico rodado”, sinalaron.
Ademais sería preciso realizar un correcto mantemento da vía, comezando por reasfaltar aqueles puntos máis danados, o repintado da sinalización horizontal e a poda das árbores e desbroce da vexetación.
Poñer en práctica este tipo de medidas, ademais de mellorar a seguridade, axudarían a que os peregrinos que percorren o Camiño se leven unha imaxe mellor da provincia de Lugo. “A realidade é que o PSOE e o BNG dende a Deputación de Lugo teñen a provincia completamente abandonada, cos desbroces sen realizar a piques de rematar o verán. Que dirán estes visitantes cando volvan aos seus lugares de orixe?”, denunciaron.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
