O Presidente asinou coa presidenta da Unión de Traballadores Autónomos do Transporte, o Mar e as Comunicacións de Galicia un novo convenio para impulsar o autoemprego feminino mediante un curso especializado na creación de empresas vencelladas a esta profesión
Lugo, 7 de setembro de 2024. O Presidente da Deputación de Lugo, José Tomé Roca, vén de asinar un novo convenio de colaboración coa presidenta da Unión de Traballadores Autónomos do Transporte, o Mar e as Comunicacións de Galicia, María Dolores Somoza, que ascende a preto de 39.000€ para dar un novo impulso á formación de redeiras. A institución provincial renova, por cuarto ano consecutivo, este acordo que vén mantendo coa entidade co obxectivo de garantir o relevo xeracional e fomentar o autoemprego feminino, a través dunha acción formativa especializada na creación de empresas vencelladas a esta profesión.
José Tomé subliñou a importancia desta colaboración que contribuirá ao desenvolvemento desta actividade fundamental no sector pesqueiro “pois supón unha alta porcentaxe de empregabilidade feminina, xa que o 85% das persoas inscritas no réxime especial do mar son mulleres”. Polo que, recalcou o Presidente, “trátase dun novo paso no compromiso desta institución coa formación e o apoio ás mulleres que queren desenvolver a súa carreira no sector pesqueiro. Este investimento é clave para asegurar que o oficio de redeira conte cun relevo xeracional adecuado e que as novas xeracións de profesionais poidan integrarse e asegurar un futuro neste mercado laboral”.
O convenio contempla un curso cunha duración de 370 horas formativas no que se abordan diferentes aspectos técnicos e empresariais do oficio de redeira. Está dirixido a mulleres desempregadas ou que se atopen nunha situación de precariedade laboral. O ámbito de actuación abrangue toda a provincia de Lugo, pero especialmente á comarca da Mariña, onde a pesca é un dos grandes motores xerando no sector entre 5.000 e 6.000 empregos.
A proposta formativa estrutúrase en cinco partes: unha focalizada nos fundamentos esenciais para a creación de empresas e catro centradas nos aspectos máis específicos que permitan o acceso ás probas de avaliación para a cualificación profesional de redeira: formación na creación de empresas-autónomos (40 horas), acción formativa de confección e mantemento de artes de enmalle (115 horas), acción formativa de confección e mantemento de aparellos de pesca (30 horas), acción formativa de confección e mantemento de artes de arrastre (130 horas), acción formativa de confección e mantemento de artes de cerco (55 horas).
Pola súa banda, a presidenta Unión de Traballadores Autónomos do Transporte, o Mar e as Comunicacións de Galicia agradeceu o apoio continuo da Deputación que serve “non só para afondar na ensinanza dos labores propios dunha redeira, senón que o supón dar un paso máis alá, porque é unha acción coa que se forman futuras empresarias”. Con esta acción formativa, engadiu María Dolores Somoza, “as participantes poden presentarse ás probas de capacitación profesional previstas que se realizan mediante avaliación continua a través do sistema de Formación Profesional”.
Apoio ao sector da pesca na provincia
A Unión de Traballadores Autónomos do Transporte, o Mar e as Comunicacións de Galicia (UNIATRAMC Galicia), nace pola necesidade de dar cobertura a un amplo colectivo de traballadores e traballadoras por conta allea e que non estaban encadrados dentro dunha organización de amplo espectro afiliativo e de servizos, como é o caso do colectivo de redeiras.
Precisamente, o obxectivo que levou no ano 2011 á constitución da Asociación, foi o de dar cabida, a pequenos sectores produtivos, entre outros, o da pesca artesanal, artes menores, mariscadoras e mariscadores e as redeiras.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
