Na comarca da Terra Chá, a Consellería destina máis de 1,3 millóns de euros a través destas axudas dirixidas á optimización das vías rurais
Castro de Rei, 10 de setembro de 2024. A conselleira do Medio Rural, María José Gómez, acompañada polo alcalde de Castro de Rei, Francisco Balado, visitou hoxe os traballos de mellora de infraestruturas rurais deste concello lucense, para os que se destinaron preto de 270.000 euros a través das axudas para a rehabilitación de camiños de zonas de concentracións parcelarias e do Plan Marco. Cómpre salientar que no conxunto da comarca da Terra Chá, na que se atopa Castro de Rei, a Consellería do Medio Rural destina máis de 1,3 millóns de euros entre ambas as dúas convocatorias de achegas.
Nesta visita, María José Gómez puxo en valor as achegas destinadas para a mellora de camiños en concellos con zonas de concentracións parcelarias rematadas, convocadas por primeira vez neste ano. No caso concreto deste concello, sinalou, estas axudas supoñen un investimento de máis de 188.000 euros destinados ás tres parcelarias coas que conta.
A maiores, a conselleira explicou que destas axudas benefícianse un total de 38 concellos galegos, con actuacións en máis de 150 camiños ao longo de máis de 160 quilómetros. Para iso, cóntase cun investimento total de arredor de 5,1 millóns de euros.
O obxectivo destas actuacións, explicou, é o mantemento e acondicionamento das infraestruturas rurais, ao mesmo tempo que se mellora a capacidade portante dos camiños das redes de concentración ou reestruturación parcelaria que están rematadas, garantindo o tránsito de vehículos e maquinaria.
Plan Marco 24-25
A conselleira aproveitou esta visita para avanzar tamén os traballos realizados ao abeiro do Plan Marco na actual convocatoria 2024-2025, na que neste concello se destinan case 80.000 euros na mellora de camiños de titularidade municipal.
A actual convocatoria do Plan Marco supón un investimento de preto de 19,5 millóns de euros destinados para a mellora de camiños rurais e acceso a parcelas agrícolas nos 313 concellos de Galicia, unha cantidade un 16% superior fronte á anterior. Ademais, durante o período 2016-2023 concedéronse 121 millóns de euros para o citado plan, o que permitiu actuar en case 5.500 camiños e preto de 4.300 quilómetros de vías rurais.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
