Desde a Anpa, aseguran que as mobilizacións continuarán se non se ofrecen solucións inmediatas por parte da Xunta
Alfoz, 30 de setembro, 2024. Esta mañá, ás 9:30 horas, celebrouse a terceira concentración convocada pola ANPA do CEIP Plurilingüe Castro de Ouro, en protesta polas inxustas condicións educativas que están a afectar ao alumnado do centro. Pais, nais, alumnado e membros da comunidade educativa, xunto con veciños e representantes políticos, reuníronse ás portas do colexio para reivindicar unha vez máis os seus dereitos e esixir solucións inmediatas por parte da Xunta de Galicia.
Durante o acto, leuse un manifesto no que se denunciaron os problemas que está padecendo o centro, entre os cales destaca o exceso de alumnos nun dos agrupamentos. En concreto, a aula de 1º, 2º e 3º de Primaria conta con 15 alumnos, cando o acordo asinado entre a Xunta e as centrais sindicais ANPE, CCOO e UXT, e publicada no DOG de 17 de xaneiro de 2024, estipula que o máximo permitido para ese tipo de agrupamento é de 12 estudantes. Desde a ANPA indican que este incumprimento da normativa está a poñer en risco a calidade educativa, “xa que o profesorado non pode ofrecer a atención individualizada que cada neno ou nena, de diferente ciclo, precisa para o seu pleno desenvolvemento académico”.
Ademais, outra das demandas clave expostas no manifesto foi a falta dun especialista en Pedagoxía Terapéutica (PT), cuxa ausencia está a deixar sen o apoio necesario aos alumnos con necesidades educativas especiais, vulnerando os seus dereitos.
A ANPA esixe a creación dunha nova unidade en Educación Primaria, que permita reducir o número de alumnos por aula e garantir unha educación adaptada ás necesidades de cada ciclo, así como a reposición inmediata da praza de especialista en Pedagoxía Terapéutica para ofrecer o apoio adecuado aos alumnos con dificultades.
Os participantes na concentración subliñaron que a educación no CEIP Plurilingüe Castro de Ouro está sendo claramente prexudicada pola falta de recursos e o incumprimento dos acordos establecidos por parte da Xunta, o que afecta directamente ao desenvolvemento académico e persoal do alumnado. Desde a ANPA insisten, “non estamos pedindo nada extraordinario, só que se atendan os informes enviados pola dirección do centro e se cumpran os acordos, como se está a facer noutros colexios, e que inxustamente non se respectan no noso centro”.
“Non podemos permitir que os nosos fillos sexan os prexudicados por unha mala xestión da Xunta. A educación é un dereito fundamental e seguiremos loitando para que se respecte no noso colexio”, sinalaron os organizadores.
A pasada semana enviaranse sendas cartas Alfonso Rueda, Presidente da Xunta, a Román Rodríguez, Conselleiro de Cultura, Educación, Formación Profesional e Universidades, “non recivindo ningunha resposta”. Ante a pasividade da administración, estase a preparar unha concentración en Santiago para a vindeira semana, “no caso de que esta semana non se reciba unha resposta por parte da Xunta” .
A comunidade educativa do CEIP Plurilingüe Castro de Ouro amosou a súa unidade e firmeza na defensa do ensino de calidade e deixou claro que, se non se atende a estas reivindicacións, as concentracións e protestas continuarán.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
