“A achega da Xunta de Galicia é insuficiente, xa que aporta 12 euros por hora na modalidade de dependencia, cando a o custo é de 21 euros, e nin un só euro na modalidade de libre concurrencia”, afirma a alcaldesa, María Loureiro
Viveiro, 19 de setembro de 2024. A Mesa de Contratación do Concello de Viveiro acordou propoñer á empresa Idades SL como adxudicataria do contrato do Servizo de Axuda no Fogar (SAF) nas súas dúas modalidades de libre concorrencia e dependencia.
Este novo contrato, que ten un prazo inicial de dous anos con posibilidade de prórroga de dous anos máis, permitirá continuar prestando un servizo esencial que conta cun elevado número de usuarios, en torno aos 250.
O custo por hora previsto na licitación é de 20,39 euros por hora, máis o 4% de IVE, polo que a suma total do contrato no prazo inicial do mesmo é de 3.520.129,60 euros.
“É importante destacar a importancia da Axuda no Fogar e sinalar que a achega da Xunta de Galicia é insuficiente, xa que aporta 12 euros por hora na modalidade de dependencia, cando o custo por hora no contrato é de 21, e nin un só euro na modalidade de libre concurrencia”, explica a alcaldesa, María Loureiro.
Nese sentido, considera necesario “que a Xunta de Galicia asuma o total do custo en dependencia, ao ser unha competencia autonómica, e aporte cartos para a modalidade de libre concurrencia”.
No caso do SAF de libre concurrencia, no ano 2023 tivo un coste de 402.653,35 euros, dos que a Xunta de Galicia non achegou nada.
“Este importe pagouse integramente entre fondos propios do concello, a achega mínima que fan os usuarios do servizo e os 200.000 euros que achega a Deputación de Lugo”, explica a alcaldesa.
A Deputación de Lugo achega esta cantidade de 200.000 euros a través do Plan Deputación e ademais, neste ano 2024, asinouse co ente provincial un convenio por importe de 132.000 euros para o SAF de libre concurrencia.
“Uns cartos da Deputación que poderiamos destinar a outras necesidades do concello se a Xunta asumise as súas competencias en materia de benestar social, en vez de trasladarlle esta responsabilidade aos concellos”, engade Loureiro.
A Deputación de Lugo aporta polo tanto unha parte importante para este servizo, mentres que por parte da Xunta de Galicia non se concede ningún tipo de axuda para SAF de libre concurrencia, colaborando unicamente co SAF de dependencia.
Durante a tramitación deste procedemento de contratación, o concello garantiu a prestación deste servizo tan importante e prioritario, xa que o SAF mira polo benestar básico das persoas con vulnerabilidade, sendo polo tanto unha piar fundamental para o concello.
Foi unha xornada marcada pola auga pero chea de bos resultados para as diferentes tripulacións de Celeiro. Acadaron o 2° posto nas categorias Alevin e Infantil e as dúas tripulacións de veteranos subiron ao podio en 1° e 3° lugar.
A operación policial iniciouse tras detectar a introdución de billetes falsos en diversos establecementos de hostalería na Mariña, especialmente nos meses de verán. O infractor adquiría a través de aplicacións en liña paquetes de billetes falsos de diferente valor coa suposta finalidade de introducilos no mercado legal. Froito do intenso labor investigador logrouse deter ao presunto autor, evitando a introdución de billetes falsos no trafico xurídico, así como a consecuente perda financeira e prexuízo patrimonial para as vítimas destes delitos, quen ao recibir os billetes falsificados non poden trocalo por diñeiro lexítimo, causándolles un dano económico inmediato e perdas irrecuperables. No rexistro domiciliario atopáronse 630€ en billetes falsos. A persoa detida foi posta ao dispor xudicial.
Félix Jorquera charlou con Amanda Gasalla, a pregoeira da Festa da Faba 2024; con Manuel Arango, concelleiro de Cultura; con José Cuadrado, presidente do Conselleo Regulador IXP Faba de Lourenzá; con Francisco Rivas, presidente de Vespa&Faba e Clásicos Lourenzá; e coa alcaldesa laurentina, Rocío López, que convidou a achegarse esta fin de semana a Lourenzá a gozar desta tradicional cita.
O Deputado de Recursos Sostibles e Alcalde de Foz, Francisco Cajoto, e a Deputada Deputada de Economía, Recadación, Facenda e Especial de Contas, e Alcaldesa de Burela, Carmela López, participaron este xoves no CENIMA de Foz nun foro organizado pola Federación de Comercio da Mariña (FCAM) baixo o título Traballo na Mariña Lucense, onde vivo? No encontro, que serviu para analizar a problemática da falta de pisos de aluguer tras o auxe das vivendas turísticas, participaron ademais a presidenta da FCAM, Carmen Cruzado; o CEO de Inmoriba, Néstor Sordo; o xerente do hotel O Cabazo, Joaquín López; ou a axente de Desenvolvemento Turístico da Mancomunidade de Concellos da Mariña Lucense, Tania Hermida.
Será o venres 11 de outubro e traerá ata a localidade á cantante Lara Hoevenaar, unha recoñecida voz dentro do panorama jazzistico. Estará acompañada polo asturiano Marco Martínez, profesor da Escola de Música Moderna de Oviedo e director do Seminario de Improvisación de Siero, xunto ao que ofrecerá un repertorio en homenaxe ás grandes voces femininas do jazz clásico dos anos 20 e 30 no que non faltarán nomes como os de Bessie Smith, Billie Holliday, Ela Fitzgerald ou Sarah Vaughan. Pola súa banda, o equipo do restaurante deseñará un menú específico para esta convocatoria. As prazas son limitadas e é imprescindible reserva.
Unha xornada organizada pola asociación Recursos de Aldea coa colaboración do Concello e dedicada aos produtos realizados con este alimento. Será a partir das 10:30 horas no Mercado Municipal e contará con varios postos cunha gran variedade de produtos.
Nesta cita, na que están a participar 44 persoas, divídese en catro tramos e tras o seu paso pola Mariña lucense, os deportistas continuarán o 4 de outubro o recorrido por Santiago de Compostela. Logo, o día 5, estarán no concello de Carballiño e culminarán a proba o 6 de outubro en Vilagarcía de Arousa.
