Ribadeo, 16 de setembro de 2024. O Plan Avanza Rural do Concello de Ribadeo chega estes días a Remourelle, onde a inversión ascenderá a 82.000 euros, segundo explicou esta mañá o alcalde, Dani Vega.
O rexedor dixo: “seguimos investindo, seguimos xestionando e así mellorando toda a rede viaria do noso concello, dentro dese Plan Avanza Rural, que ten unha dotación orzamentaria de 685.000 euros en total nestes momentos e estamos actuando a través de orzamentos propios, e na maior parte con orzamentos da Xunta de Galicia”.
Vega subliñou que “nestes momentos estamos actuando en Remourelle. Vamos arranxar varios puntos, Fornos-Pesegueiro, e tamén todo o entorno da escola. Non se descarta que teñamos que actuar de emerxencia nalgunha vía de comunicación fundamental e prioritaria, pero nestes momentos temos orzamentado máis de 82.000 euros para Remourelle. E estamos actuando tamén en Santalla de Vilaousende e en Ove. Os traballos van a bo ritmo e tamén recordar que estamos en proceso de licitación na estrada da Costa con 370.000 euros”.
O alcalde indicou que “se trata dunha suma total neste primeiro ano de goberno de 685.000 euros, con orzamentos da Deputación de Lugo, a través do Plan Único, e tamén da Xunta de Galicia, a través de Medio Rural. Creo que neste primeiro ano non podemos chegar, por desgraza, a todos os puntos, pero estamos programando inversión, estamos xestionando orzamentos da Xunta de Galicia e paulatinamente iremos investindo en todos os puntos”.
Dani Vega cre que “é importante destacar esta inversión e é verdade que non podemos ir a máis ritmo, non podemos actuar en todo concello por desgraza, pero si que é certo que en estradas que están nunhas mellores condicións, pero que teñen algún tipo de bache, vamos actuar con ese bacheo que anunciamos hai uns días. Pouquiño a pouco imos mellorando a nosa rede de comunicación, a nosa rede viaria”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
