“O alcalde ten unha actitude absolutamente irresponsable de gran gravidade cando leva ao pleno a adxudicación do novo contrato sabendo que hai persoas que están na residencia e que non van a poder pagar este servizo” sinala o voceiro popular, Javier Castiñeira
Foz, 6 de setembro de 2024. O Partido Popular de Foz define como ridícula e falta de talante a actitude do señor Cajoto no pleno celebrado onte. É ridícula porque por segunda vez queda sen ser adxudicado o novo contrato da Residencia de Maiores por retiralo, a estancia dun informe da Secretaria unha vez analizado o recurso interposto polo Grupo Municipal do Partido Popular que impugnaba o anterior pleno porque o alcalde incumpriu o Regulamento de Organización, Funcionamento e Réxime Xurídico das Entidades Locais (ROF) ao non deixar votar que se deixara enriba da mesa; e é unha falta de talante xa que Cajoto volveu a expulsar da sesión plenaria aos familiares dos usuarios por aplaudir a retirada da adxudicación mentres non se aclare todo e se adopten medidas para solucionar a subida das taxas.
Dende o Partido Popular pídenlle a Cajoto que recapacite despois destes dous fracasos e que se sente a falar cos grupos políticos e cos familiares para darlle unha solución a este asunto e aliviar a subida das taxas, ben mediante un canón fixo que ten que pagar o Concello ou ben modificando as axudas de emerxencia que, no seu momento, foron deseñadas para casos de beneficiencia e non para as subidas que propón o equipo de goberno.
“O alcalde ten unha actitude absolutamente irresponsable de gran gravidade cando leva ao pleno a adxudicación do novo contrato sabendo que hai persoas que están na residencia e que non van a poder pagar este servizo. Trátase dun caso de interese público e social que é necesario resolver antes de que entren en vigor as taxas abusivas do señor Cajoto”, sinala o voceiro popular, Javier Castiñeira
Incumprimento do artigo 78 do ROF
O PP de Foz tamén chamou a atención ao alcalde por incumprir o artigo 78 do Regulamento de Organización, Funcionamento e Réxime Xurídico das Entidades Locais (ROF) ao non ter convocado pleno ordinario de xullo, tal e como está pactado no pleno de organización que se fai ao inicio da lexislatura.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
