“Seguimos reclamando a acta do último pleno para poder impugnalo por incumprir o señor Cajoto artigos da Lei de Bases de Réxime Local”, sinala Javier Castiñeira
Foz, 2 de setembro de 2024. O Partido Popular de Foz mostra o seu apoio á Plataforma de Familiares de Usuarios da Residencia de Maiores ante as desconsideracións de Cajoto. Os membros desta plataforma denuncian o menosprezo do señor alcalde aos seus requirimentos e a falta de sensibilidade cos usuarios, persoas maiores e dependentes.
“Por outro lado, seguimos reclamando a acta do último pleno para poder impugnalo por incumprir o señor Cajoto artigos da Lei de Bases de Réxime Local”, sinala o voceiro do PP de Foz, Javier Castiñeira. Cabe recordar o atropelo do señor alcalde con respecto aos membros da corporación, incluídos os seus socios de goberno do BNG, no pleno extraordinario celebrado no mes de xullo non deixando votar a emenda do Grupo Municipal Popular, incumprindo a legalidade, na que se pedía que se deixara a nova adxudicación enriba da mesa e, polo tanto, obrigando ao Partido Popular e ao BNG a votar en contra ante o risco de que veciños puideran quedar fora do servizo da Residencia de Maiores.
Cajoto insiste levando de novo a adxudicación ao pleno aceptando as alegacións da nova concesionaria sen solucionar o temas das axudas que debe organizar o equipo de goberno, o que pode levar a que haxa usuarios que podan pagar o servizo. “A postura do Partido Popular vai a seguir sendo a mesma, protexer os intereses dos usuarios e das súas familias e, ante o atropelo que quere facer o señor alcalde por segunda vez, nós faremos exactamente o mesmo que ante o primeiro atropelo, impugnaremos calquera decisión que vaia en contra dos dereitos dos usuarios e dos dereitos dos concelleiros”, anuncia Javier Castiñeira.
“Sen a acta do pasado pleno é irracional aprobar as alegacións da empresa ao voto en contra da corporación á proposta de adxudicación porque non está a aprobada a propia acta que, desde o Partido Popular, levamos semanas demandando”, finaliza o voceiro popular.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
