Candia clausurou a interparlamentaria ‘Por un Lugo mellor conectado’ na que participaron os grupos populares no Concello, na Deputación de Lugo, no Parlamento de Galicia, Congreso dos Deputados e Senado
Lugo, 21 de setembro de 2024. A presidenta provincial, Elena Candia, destacou que “Pedro Sánchez contradixo ao secretario xeral do PSdeG” en relación ao proxecto de Altri na reunión que mantivo co presidente do Goberno galego, Alfonso Rueda. De feito, “díxolle o mesmo que fai dous anos, que non sabía porque Besteiro fixera as declaracións dos últimos días e que, incluso, animaba a presentar o proxecto ás distintas convocatorias de fondos europeos”. Polo tanto, “o PSOE queda en evidencia, non está aportando nada a Galicia e, dende logo, non está aportando nada a Lugo”. E, en xeral, sinalou que “o contido da reunión co presidente do Goberno foi algo decepcionante” ante a “falta de compromisos do Goberno de España con Galicia e Lugo”.
A popular fixo estas declaracións na clausura da reunión interparlamentaria celebrada este sábado na que os grupos populares no Concello, na Deputación de Lugo, no Parlamento de Galicia, no Congreso dos Deputados e no Senado analizaron asuntos de actualidade centrándose na materia de infraestruturas, marcaron as liñas de traballo para este curso político e reivindicaron “unha provincia de Lugo mellor conectada, con mellores infraestruturas e máis oportunidades -no ámbito industrial e social- para a provincia”.
De feito, entre os asuntos abordados atópase o “illamento” en materia de comunicacións viarias e ferroviarias -Lugo é a única provincia e capital de provincia galega que queda descolgada do AVE- e a falta de apoio a industrias que favorezan o desenvolvemento da provincia -coma Alcoa ou Altri- por parte do Goberno de Sánchez ou a “falta de proxecto de provincia” por parte do goberno bipartito da Deputación de Lugo” fronte ao modelo do anterior goberno do Partido Popular que “cambiou o desenvolvemento da provincia” da man do impulso ao Campus de Lugo ou á posta en valor da Ribeira Sacra.
Por outra banda, os populares destacaron a aposta da Xunta por Lugo “dirixindo á provincia nos seus orzamento o maior investimento por habitante”. Candia aclarou que “o Grupo Popular no Parlamento de Galicia está para facer propostas e tamén para defender o traballo da Xunta” e, nese sentido, lembraron “o cumprimento dos compromisos coa provincia” en materia de infraestruturas viarias e de mobilidade -en marcha as obras da intermodal, importantes investimentos en mantemento e conservación de estradas de competencia autonómica-, infraestruturas sanitarias – con varios centros de saúde en construción-, no ámbito da conciliación e as políticas sociais, e apoiando ao rural e ao mar – dúas áreas importantes para a provincia que dirixen dous conselleiros lucenses-.
CANDIA: “DA UNIDADE SAEN OS ÉXITOS”
Candia aproveitou para poñer en valor o traballo dos distintos grupos nas distintas institucións “acorde á representatividade que nos outorgaron os lucenses”, sen esquecer a “alcaldes, portavoces e concelleiros que defenden o noso proxecto político na provincia”. Así, convidou a “seguir traballando de forma coordinada, con rigor e compromiso. Da unidade saen os éxitos”.
MOBILIDADE URBANA
A mobilidade urbana na cidade de Lugo está, nestes momentos, comprometida polas obras de peonalización do centro que levan meses de atraso e afectan a residentes e comerciantes. e, en xeral, á vida diaria de tódolos lucenses. Neste momento “aínda non se sabe nada do modificado dos proxectos polo que os traballos van a ralentí á espera dos cambios que debe facer o goberno local. A falta de xestión e de planificación do goberno local, unha vez máis, repercute na mobilidade da cidade de Lugo e na economía local”, explicou o viceportavoz, Ramón Cabarcos.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
