A estas “chapuzas na execución das obras e constantes rectificacións”, hai que engadir “irregularidades” coma a ausencia de carteis con información nas obras do parque Rosalía de Castro e nas instalacións deportivas da Marosa onde os populares agardan que “non haxa segundas partes”
Burela, 11 de setembro de 2024. “O goberno local encabezado pola señora López Moreno non para de darse de bruces coa realidade” demostrando que “non está preparado para a xestión do día a día dun Concello coma Burela”, segundo consideran dende o PP de Burela.
Os populares remítense a numerosas “probas ao longo deste verán, por non dicir de todo este mandato” en relación ás obras executadas polo goberno local. “Un exemplo é o caso das obras na rúa Lamestra, a carón do parque de Rosalía. Houbo que rectificar as pendentes de entrada e saída do adoquinado da zona semipeonil, pola que está previsto que circulen tamén os vehículos, debido a que daban cos seus baixos no novo firme”, explican.
Outro exemplo de que o goberno bipartito non supervisa como é debido as obras que están a realizar; é unha nova rectificación. Nesta ocasión, nas sendas peonís da avenida Arcadio Pardiñas recollidas no plan de mobilidade para aplicar un novo produto co que “corrixir o estado esvaradío do firme que provocaba as caídas dos veciños e veciñas”.
Os populares afean neste caso a “premura” da alcaldesa á hora de executar esta obra apenas 24 horas despois de consultar cos veciños e veciñas. “Tendo en conta que este goberno local non se caracteriza pola súa celeridade na execución de obras, todo parece indicar que se trataba dun paripé para facer ver que lle importa a opinión dos bureleses”.
Ademais destas “auténticas chapuzas na execución das obras e constantes rectificacións”, atopámonos coas “irregularidades xa habituais por parte do goberno da señora López Moreno”. Tal e como indica a normativa vixente, “é obrigatorio colocar un cartel de obra no que figure, cando menos, o orzamento, a empresa adxudicataria e o técnico que a subscribe; algo que non existe nas obras que están en execución agora mesmo tanto no parque de Rosalía de Castro coma nas instalacións deportivas da Marosa”.
Á vista das chapuzas nas obras xa rematadas, os populares agardan que “nestas últimas non se repita o mesmo resultado” e teñamos que ver “segundas partes”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
