Francisco Conde, Jaime De Olano e Cristina Abades analizaron este e outros asuntos de interese para a Terra Chá nunha xuntanza co secretario xeral do PP lucense, alcaldes e portavoces da comarca
Vilalba, 28 de setembro de 2024. Os deputados do PP lucense no Congreso, Francisco Conde, Jaime De Olano e Cristina Abades iniciaron na Terra Chá reunións de traballo neste novo curso político para identificar as propostas da provincia de Lugo aos Presupostos Xerais do Estado do vindeiro ano 2025.
O secretario xeral do PP lucense, Javier Vázquez Nodal, alcaldes, portavoces e concelleiros da comarca analizaron durante o encontro “os temas que máis preocupan na comarca” e comprometéronse a levar ao Congreso as reivindicacións dos concellos.
Tamén abordaron, entre outros asuntos de actualidade, as necesidades da provincia en materia de infraestruturas, as demandas dos gandeiros ao Goberno de España, a débeda do Estado en materia de dependencia ou o financiamento territorial.
Estes encontros cos que reforzan o “contacto directo” co territorio teñen un dobre obxectivo: achegar o traballo que desenvolven no Congreso dos Deputados e recoller as propostas que os veciños lles trasladan aos seus representantes en cada concello para levalas á Cámara Baixa. A seguinte xuntanza será na comarca da Montaña.
REBAIXA DO STATUS DO LOBO
Os populares convidan ao Goberno de Sánchez a “poñerse do lado dos gandeiros e rebaixar a protección do lobo en consonancia co acordado pola UE e co que demanda Galicia”. E lembraron que “o PSOE e Teresa Ribera -aínda ministra de Transición Ecolóxica do Goberno de Sánchez- votaran en contra no Consello da Unión Europea de rebaixar o status do lobo de especie ‘estritamente protexida’ a especie simplemente ‘protexida’ de forma que se permita o control da especie en territorios con superpoboación”. Tan só España e Irlanda se opuxeron a esta adaptación da normativa comunitaria.
“Este comportamento evidencia que a socialista non vai defender en Europa os intereses dos gandeiros lucenses nin da Terra Chá que sofren directamente as perdas que supoñen os ataques do lobo”, indican.
Galicia ten defendido en numerosas ocasións a necesidade de “adaptar a protección do lobo á realidade do noso territorio” para “garantir a compatibilidade da especie coa actividade gandeira”.
E ante as declaracións recentes do propio presidente do Goberno de que España manterá o status de protección do lobo, que foi incluído na LESRPE (Listaxe de Especies Silvestres en Réxime de Protección Especial) fai tres anos; os deputados no Congreso seguirán impulsando iniciativas para que o Goberno de España rebaixe o seu status, tal e como acordaron esta mesma semana os representantes dos países da Unión Europea.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
