Ribadeo, 20 de setembro de 2024. Ribadeo amortizará un crédito de 700.000 euros. Este foi un dos asuntos analizados na última comisión informativa de Facenda e Asuntos Xerais, na que tamén se abordou a licitación do servizo de abastecemento de auga. O alcalde, Dani Vega, destaca que se trata “dunha boa xestión dos recursos de todos”.
O rexedor contou que “na pasada noite celebramos unha comisión informativa de Facenda e de Asuntos Xerais. Abordamos varios asuntos de importancia. O primeiro deles, creo que é o máis importante de todos, que é licitar o servizo de abastecemento de auga e de saneamento. Evidentemente durante todo este ano houbo un proceso moi importante de documentación, con moito rigor técnico, e imos licitar en tempo récord, é dicir fronte a outros Concellos que aínda están nesta tramitación, Ribadeo vai dar un exemplo, creo que de eficacia, con ese rigor técnico, un bo traballo dos técnicos, e polo tanto licitaremos toda unha estrutura de mantemento e de inversión”.
Vega explicou que “o que se aprobou nesta comisión é a estrutura de custos e o estudio de viabilidade e tamén a fórmula de revisión de prezos. Aprobarémolo no seguinte pleno, no 24, definitivamente e a partir de aí ábrese un proceso de licitación para este servizo. Cabe destacar que é a obra máis importante que vamos ter que facer durante esta lexislatura, cun orzamento elefantiásico, enorme, estamos falando de máis de 5 millóns de euros. Creo que aquí as administracións, tanto a Xunta de Galicia como a Deputación, e entendo que tamén Hidrográficas, o Estado nos deben axudar”.
O alcalde dixo que “é un tema que imos abordar nas próximas datas e para min e para todo o goberno e tamén para todos os técnicos do Concello que están na materia, parécelles fundamental investir nos próximos meses, nos próximos anos, no abastecemento de auga”.
Dani Vega indicou que “durante este ano houbo 38 rupturas. Estamos falando dun tema que nos absorbe e nos preocupa porque hai o 95% de posibilidades de quedarse sen auga. E nosoutros durante este verán no que hai un incremento de poboación, xa sufrimos moitísimo e a partir de agora igual porque hai parroquias que teñen continuamente cortes, hai outras parroquias ás que o subministro chega con moi pouca forza e hai cortes continuos. O maior problema de Ribadeo chámase abastecemento de auga e hai que abordalo e foron moitos anos sen xestionar orzamento para un tema fundamental como é este do abastecemento de auga”.
Para o rexedor ribadense “debemos xestionar ben o recurso hídrico e polo tanto aquí hai que investir. Tamén nesta comisión abordamos outro tema moi importante, a eliminación dun crédito. Estamos a falar do crédito que sacou o anterior goberno de 950.000 euros. Nos imos eliminar 700.000 euros xa dese crédito. Estamos falando dunha xestión de recursos tanto para investir como tamén para eliminar crédito, eliminar débeda. Creo que é unha boa xestión. Nun ano simplemente xa eliminamos un crédito que tiña un fin concreto, que era o Hospital Asilo, pero houbo unha capacidade de xestión de recursos da administración autonómica, da Xunta de Galicia, e iso posibilítanos a eliminar ese crédito”.
E engadiu: “eu creo que esta comisión é importante á hora de inversión e tamén para acreditar que se está eliminando crédito, que son 2 durante este ano. Non solo se eliminaron os 700.000 euros, senón que cando entramos no goberno eliminamos outro de preto de 100.000 euros. Por tanto, creo que hai unha boa xestión dos recursos de todos”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
