Foz, 1 de outubro de 2024. A concelleira da Aula Universitaria da UNED de Foz, Elena Martínez Pena, e a coordinadora da mesma, Marta Muiña Rodríguez, veñen de presentar a programación formativa para o mes de outubro, inaugurando así o calendario académico da Aula. Deron conta de catro novas actividades, para as que está aberta a inscrición, e que son cursos de psicoloxía, de francés básico e de primeiros auxilios pediátricos e unha xornada de limpeza con voluntarios na praia da Rapadoira.
Para comezar propoñen participar nun curso de psicoloxía, Querida esixencia: de neno bo a adulto perfecto, impartido por Alba Burundarena. Muiña apunta que “é unha psicóloga focense que conta cunha ampla experiencia na docencia de cursos deste ámbito nesta Aula e sempre deseña formacións moi demandadas e exitosas”. Será unha formación unicamente online e levarase a cabo os mércores do mes de outubro.
Como xa vén sendo habitual, a inauguración do curso na Aula Universitaria da UNED de Foz ven da man dos idiomas, nesta ocasión cunha formación de Francés Básico, en concreto do nivel A2, que celebra a súa terceira edición. As clases terán lugar os mércores de 17 a 20 horas. “É de recibo contar con formacións demandadas pola veciñanza e os resultados están á vista cando as propostas suman varias edicións ás costas. Se algo funciona e se precisa debemos traballar arreo para ofrecelo”, indica a concelleira da Aula.
Tamén continuando a liña formativa do curso pasado, vólvese a ofrecer o Primeiros Auxilios Pediátricos, da man de Camilo Vázquez, enfermeiro e docente no ámbito das emerxencias. Impartirase do 8 ao 29 de outubro, os martes de 17 a 20 horas. “Esta actividade combina a ensinanza de coñecementos teóricos e prácticos. Ademais o docente ten un longo percorrido na ensinanza deste ámbito profesional, trae material e involucra ao alumnado conseguindo sempre unha aprendizaxe activa e moi motivadora”, explican as dúas responsables.
“Para rematar o día 28 de outubro está programada unha actividade de limpeza simultánea de praias, organizada por ADEGA, a Asociación para a Defensa Ecolóxica de Galicia. Esta xornada de voluntariado ambiental ten o propósito de concienciar a sociedade na loita contra a contaminación mariña. Queremos traballar a prol da divulgación mediambiental e continuar a pegada do proxecto que dende o centro asociado de Lugo se lanzou baixo a denominación #LugoNaturalmente”, indica a coordinadora da Aula. Ao que a concelleira engade: “están chamados a participar nesta actividade e denunciar esta problemática ambiental os centros de ensino, os concellos do litoral e todas as persoas particulares. Isto fixo que o IES de Foz, a Aula Universitaria de UNED e o Concello se sumaran conxuntamente á iniciativa”. A limpeza será na praia da Rapadoira e a ela asistirá alumnado do instituto da vila e todo aquel que se anote como voluntario na actividade da UNED.
Finalmente recordan que o período de matriculación da UNED segue aberto ata o día 22 de outubro e invitan á poboación “a achegarse á Aula e informarse sobre os distintos servizos e recursos educativos que se ofrecen dende Foz”, comenta Elena Martínez. Marta Muíña apunta que “a oferta de graos universitaria é moi ampla, pero ademais tamén contamos co curso de acceso á universidade para maiores de 25 e 45 anos”.
Para obter máis información sobre calquera delas pódese contactar coa Aula Universitaria de Foz no teléfono 982.133.699, no WhatsApp 604.034.549 ou no correo electrónico foz@lugo.uned.es.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
