Mira que poñemos interese para entender as actitudes do Bng, pero por moito que o intentamos non somos quen.
¿Cómo se pode ser tan incoherente? ¿Cómo se pode cambiar tanto o discurso nun ano? ¿Ou será que recuperaron a vista de repente? Levoulles dezaseis anos ver as fochancas, pero por fin danse conta da herdanza que realmente deixaron. Se é así alegrámonos ben, aio!! Porque non pode ser que hai un ano e pouco estiveran as pistas e carreteras sen fochancas e de repente saíran todas xuntas. De repente, todo está mal!! Imposible!!
Bueno… mal si que está!! Claro que está mal!! De feito está moi mal, pero xa está mellor que cando chegamos nós ó goberno. Cada día aparece unha cousa nova que arranxar, pero o problema non é deste último ano. O problema son dezaseis anos de deixadez e de abandono. O problema xa o dixemos nós e o repetimos durante a última lexislatura. O problema é unha falta de planificación absoluta durante dezaseis anos. Intentaron ir solucionando no, PARCHEANDO problemas puntuais e claro, agora reventa todo. Era moi previsible, pero era ben que o grupo municipal do Bng se relaxase, era ben que empezaran a ser algo coherentes e deixaran de facerse oposición a eles mesmos.
Nós en ano e pouco xa actuamos, e aínda queda moito máis por facer e iremos pouco a pouco investindo. Todo xunto non se pode pero xa temos unha planificación de inversión. “PLANIFICACIÓN”, algo que non existiu no concello de Ribadeo durante dezaseis anos!!
Co Plan Avanza Rural investiranse 685.000€ na carretera da costa e nas carreteras do interior. En todo o concello, e non só nas pistas aglomeradas, senón tamén en pistas de terra que dende a concentración parcelaria non volveron mirar para elas. Neste momento estamos limpando as cunetas das parroquias da costa gracias á colaboración da Xunta de Galicia con unha motoniveladora, pala e camión con coste para o concello de CERO EUROS. HAI QUE XESTIONAR, cousa que o Bng non fixo en dezaseis anos…
Ve as fochancas agora cando en realidade xa hai moitas menos que cando eles se foron, hai só un ano e pouco. Xa os avisamos que non viñemos para estar senón para facer e non nos fixeron caso … Non tiveron capacidade de xestión e agora “esixen”. Pero, ¿a quén pretenden enganar?
En fin … nós ó noso, traballando arreo, defendendo os intereses de Ribadeo e dos nosos veciños.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
