Ribadeo, 9 de outubro de 2024. O 12 de outubro celebrarase en Ribadeo a II Feira do Mercado Social. Será de 11 a 20 horas. Haberá actividades de lecer e animación e parladoiros divulgativos.
A concelleira de Comercio, Marta Saiz, explicou que “o vindeiro sábado, 12 de outubro, no entorno do parque de San Francisco, terá lugar a II Feira do Mercado Social organizada polo Concello de Ribadeo, unha actividade que está cofinanciada pola Rede EuSumo impulsada pola Xunta de Galicia e á que o Concello de Ribadeo está adherida. Tamén se conta para o seu desenvolvemento coa colaboración de REAS Galicia (Rede de Economía Alternativa e Solidaria de Galicia)”.
A edil ribadense indicou que “o obxectivo deste mercado social é achegar ao público outro modelo de economía centrado nas persoas, isto é actividades económicas privadas que operan no mercado tendo en conta ademais do interese económico outros fins como o medioambiental ou o social”.
Saiz contou que “a feira estará aberta ao público de once da mañá a oito da tarde e contará coa presenza de entidades de economía social que se achegarán cos seus produtos, servizos e proxectos amosando as súas iniciativas ao público. Ademais, ao longo do todo o día haberá actividades de lecer e animación como obradoiro e ludoteca para os máis pequeniños, circo e música. Tamén se desenvolverán charlas de divulgación e información sobre economía social e solidaria, favorecendo o coñecemento mutuo dos participantes e abordando temas como o emprendemento a través dos montes e a economía circular. A charla Montes que inspiran dará a coñecer diferentes modelos de xestión sostible dos montes que existen en Galicia. Á tarde poñerase o foco na intercooperación e o autobastecemento enerxético das comunidades de montes a través da charla Alumeámonos”.
A concelleira de Comercio subliñou que “co mercado social queremos pór en valor a capacidade de transformación social que ten a economía social visibilizando proxectos e iniciativas en sectores específicos como enerxías renovables, alimentación sostible, industrias culturais, produtos locais etc.. ademais de dar a coñecer novas vías de emprendemento”.
No acto de presentación participaron o alcalde, Dani Vega, a concelleira de Comercio, Marta Saiz, e Chus Caracas, técnica de REAS.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
